自己本身好中意研究關於化妝方面既野
係屋企有時都會練習下, 但冇乜化出街 ...
因為自己又帶唔到con 又好深近視 ..
要等多一兩年隻眼定d先可以做激光..
而且帶眼鏡都搞到自己冇乜自信..

各位sis覺得帶眼鏡化妝有冇人覺得好奇怪??
而且各位sis係咪眼鏡=素顏?

唔會架!^^
雖然唔帶眼鏡化妝係好靚..
但依家好多人就算冇近視都會去買d平光鏡黎帶..
我覺得你配d 易襯衫又唔老土o既眼鏡就ok啦!^^
帶眼鏡都可以好靚架!

我日日都要帶眼鏡
次次出街都會化妝

邊個話 帶眼鏡唔化得妝?
同埋點解帶眼鏡就冇自信???

我今日至見到個 幾靚既女仔
特登帶個 冇鏡片既 眼鏡框

眼鏡 同 耳環 頸鍊一樣. 都係身上飾物黎之嘛~
你睇下 畢打自己人 入面, 阿堅(江欣燕) 集集唔同眼鏡款
佢都一樣 有化眼妝, 有齊 眼影 眼線架喎~ 好靚呀~

其實唔應該咁介意人地點睇
最緊要你自己 覺得靚, 就靚架啦~

我仲係帶粗框眼鏡添 , 機本上去都遮遮地對眼,
一樣會用 睫毛液+眼影, (油眼問題, 畫唔到眼線)
我覺得ok, 自己鐘意. 自己開心.
我男朋友都鐘意架. 有時仲一齊討論上咩色眼影添~

反而我唔太鐘意人地帶冇鏡片既 眼鏡框囉
好核凸,  可以用 配平光鏡架嘛....

帶眼鏡 唔等如要素顏
自信係要自己畀自己既.  或者你揀唔岩一副岩自己既 眼鏡唧~
得閒去d 眼鏡鋪, 試帶多d 款. 揀岩副自己鐘意既~ 你就唔會冇自信啦~

戴眼鏡化妝都可以好靚....係街見過有d女仔化得好靚
不過就係唔可以用增長的mascara