我唔知這裏是否多年青人呢？ 我這類３０幾歲的老餅，打左２０年波，當我倚老賣老啦，分享下我打波２０年的小小心得，ｏｋ？
我１３、１４歲開始玩桌球，都係自己和同學打，冇跟人學。
１６歲我第一次打過百（仲要係用公柴）。２０歲之前大約打過十五次過百。
２１歲開始退化，結果無心戀戰。
３２歲開始玩番，正式跟人學，跟香港某位著名教練。
佢一教我，我先知自己以前係唔識得打波的，意思係：我年青時只靠直覺、眼水好、身體的自我習慣動作去打波。而不是一種機械性訓練去pot波（出cue）。
～～～～～～～～～～～～～～～～～～～～～～～～～～
（Ａ）想打過百，計一計數先：
～ 最少十個紅黑（８０度）及清colour波至pink波（２０度）； （即最少要連續打入２５個波）
～ １３個紅１２個黑及一個綠波（或以上顏色）；（即最少要連續打入２６個波）
€連續打入至少２５個波，其實好鬼難。
€仲要最少要入十次黑波，所以對入黑波後，白波的走位掌握，尤其重要。
€打過百，必須要有一次或二次開PACK，對入黑波後開PACK( KEY 波）亦要仔細研究。
（Ｂ）打過百，必須有以下條件：
～ （Ｘ）熟悉入黑波後，白波的走線，尤其是高位走線。
～ （Ｙ）基本功的熟練（即企位、重心腳、雙腳位置、上身下伏角度、手肘角度、HOLD竿位置、揮竿動作...ETC)
～ 我年青時，就係只知道（Ｘ），唔識（Ｙ）。 但我老師講過：如果一個人的基本功做得足，每CUE出竿知道自己想做乜，而又做得到，那個個人都可以係亨特利。
（Ｃ）基本功人人不同（有Ｄ人會有心學，去改FORM．．．有Ｄ人不會。）
～ 所以我不想在這裏多談基本功。
～ 多分享（Ｘ），即白波POT黑波後的走線。
～ 記住，白波POT波後，白波的行走路線，係最最最最最重要的。 如果連白波會走去邊，行邊條線都唔知，仲點講較波？
（Ｄ）如何練習？
～ 我年青時，已知道亨特利係點練波的。 佢好多時只會有三個波，白、PINK，黑。
～ 佢不停的射PINK,黑，PINK,黑，PINK,黑．．．．．．．（註：PINK要盡量POT尾袋）
～ 唔好以為好容易，其實難到ＰＫ．．．
～ 入PINK較黑，相對上容易，但入黑再可以RIGHTSIDE較PINK，再入PINK較返黑，就有難度。
～ 我以前最叻，連續入到２４次PINK,２４次黑。 近年練習，最多１３次PINK, １３次黑．．．
（Ｅ）附圖練習
～ 用CHALK粉或LABEL,SET固定位１號。
～ POT入黑波，留意白波行的路線（可以固定位做協助，作為指標，方便留意白波路線。）
～ Ａ線，白波和PINK的距離最近。就係因為近，所以力度的控制，要求大。 所以不建議採用。
～ Ｂ線最理想。
～ Ｃ線容易力度控制不好，白波就會貼”COOL”。
～ Ｄ線亦可取。但實戰中，往往有一堆紅波在PINK下方，所以實用性較Ｂ線低一些。
～ 至於力度的控制，我老師認為係後話．．．入波，線對，才好談力度控制。
～ 怎練習？ 白波在固定位１號，打１０次，看看自己走到Ｂ線幾多次？ 當然１０次有１０次最掂，但我輩業餘波友，如有８次，過百已有機會。
～ 最後補充：練習方法人人有，可以各自各精彩。 但想真心提升起BREAK力，類似的練習必須要做，做的過程極度乏味．．．冇辦法，世上真係冇不勞而獲的事也。
