如果我畀人喺後面用雙手捉住個頭，對手想擰斷我條頸骨，有冇方法自救？

你係同佢 正面對正面or 你背對住佢??

幾個方法

用個頭撞佢個"備" (唔好撞錯位 後腦撞錯位好甘)

下巴即刻夾實心口 自己試下 尼個姿勢佢隻手捉唔到你下巴 好難擰得郁你

用是但一隻手貼實塊面 (用成隻手臂) 又係好難擰得郁你

雙手係頸後十字緊扣 雙肘係面下巴前方位置夾貼 尼個直頭絕對防擰頸
但係實戰難用同用左就冇咩反擊力

總之護住條頸先 跟住肘擊又好 踩腳趾(狠狠地)又好 佢企背後直頭睇下可唔可以捉住佢隻手用摔技又好 佢鎖頸既你唔夠佢大力就急速向後沖 撞佢埋牆都好

都唔知佢對手點捉住你個頭,好抽象....
有不同的拆解方法............

   /__

例如:上身微微向後彎,雙手向後捉反佢個頭,用力拉埋自己到,頭貼頭 同時 上身向前彎,撻佢落地下.......(所有動作要做得 好快同用力)

好難講得你明, 太抽象 同 紙上談兵......

如果人地搵支槍指住你個頭,我會比較容易講得你明......
因為好簡單,就係慢慢地緩緩地 舉高雙手,雙手擺頭.......

我只能夠答你，盡量唔好俾人在後面鎖到你頸，如果唔得，就用下巴頂住個位唔好俾佢鎖實跟住好快咁就快應....(例如背摔)
如果你諗住用下巴夾實就得既，我可以肯定咁講要令你鬆開下巴有好多方法，加上你背住佢，劣勢.....

其實我問呢個問題，主要目的係想知道各位習武師兄，對於瞬間嘅反應係點樣鍛鍊返黎？係咪只係單靠苦練各種攻擊或防守動作，就可以每分每秒都能處於最高嘅防範意識呢？

可以試下同d師兄弟玩偷襲,唔係要玩到分出輸贏,只係互相偷襲甘玩,
個人經驗,玩得幾次,就好自然對任何進入自己攻擊/被攻擊範圍的人,
起了戒心,有所準備........對於瞬間反應係幾好o既練習,遊戲 ^^