今日坐FH9512@68a青衣入錯路口事件

自己就比較少入青衣,唔知青衣線會唔會成日入錯呢個路口呢?

個司機亦都唔後生,成頭白髮

呢位司機係迴旋處入左一個有個標示上下箭咀既牌既路口 (長安出黎既巴士出番迴旋處果條路) , 入去果下佢都落左一下brake , 我自己唔知咩事 , 跟住見到一大堆人由樓上走落黎 , 我自己聽到傳黎幾句"係唔係行錯路呀?" , 去到前面個燈位甚至有人問"可唔可以係度落車架?"

有位阿叔就坐去導航位 , 話俾司機知去前面掉頭 , 經過小巴站對面果陣一大堆人望過黎 , 對住部FH9512指手劃腳

好彩有個圍滿工程灰板既位可以轉入去掉番頭出迴旋處 , 然後個司機過一個街口 , 轉番入青鐵條路 , 行錯路事件亦都告一段落