大家覺得父母的身教對子女重要嗎 ?


可以舉例及說明嗎?


哈哈 , 大家都知我出帖叫大家分享,
用心者, 我就會送出小小心意 !!

留位 !

重要、比如有時個仔不聽話激氣時大聲話個仔.有一次我問個仔學校的事佢好不耐煩大聲話番不知道‧‧‧‧‧‧我feel佢學緊我，以后我同個仔說話都會勁量語氣温和d

一般來說，特別是子女還是兒童時，父母是跟子女最親近的，相處時間最多的，
而子女學習說話、模倣行為等也是跟父母學習較多的，
所以，父母教導子女時，若沒有以身作則及樹立一個好榜樣，比較難以去讓子女明白及接受。

如父母在別人面前說謊，子女聽到就不會認為說謊是要不得的行為，
就算給子女解釋原因或說明是有苦衷，又或借口說為善意的說謊言等等複雜的做法，
子女較難掌握，也不會明白應如何去做，畢竟思想上比較單純，
難以在黑白之中存有灰色地帶，或分得清在甚麼時候有例外情況。

又如父母每每處理自己的雜物或子女的玩具時，當有所破舊就說要掉棄，另買新的玩具，
而不是解釋說還可對那些玩具清洗、修補或捐贈等其他處理方式，最後才選擇掉棄，
子女就不會珍惜，久而久之，就可能使子女傾向物質化，而對感情變得冷漠。
(還有的例子多的是，恕未能盡錄。)

好重要..例子-父母食煙,子女模仿..(10歲以下食煙有過萬人)

咩叫做身教

重要！當然重要啦！
例子１：好似我大伯個老婆佢係大陸人，初初落左香港頭三年成日隨地吐痰(因為當時未罰錢)，個仔見到咪又學佢一齊吐囉！到左宜家個仔讀左書知道唔o岩仲鬧返佢媽咪，仲叫佢媽咪記得用紙巾！

例子２：大伯個老婆佢個仔做錯野唔會同個仔講解點解錯，錯响邊！一味爭係打、所以佢個小朋友細個o個時好鍾意打人，我Ｄ仔女比佢都打唔少，好慘！

例子３：我初初有大仔o個時，我老公成日响個仔面前食煙，有一時期個仔攞起乜野都扮佢Daddy食煙，自此我老爺同埋老公都"呢"係厠所食，盡量都唔比個仔見，我都有叫老公介煙可惜唔成功！

小朋友真係一張白紙黎，你教咩比佢佢就學咩！有時你跟本唔洗教佢佢自然從你平日既行為學到你既一切，所以身教真係好重要....

我認為好需要
尤其是小孩時代
其實我認為而家有D家長太唔負責任
好似掟個仔去學校咩都唔洗再要佢教甘

好似有次向圖書館個老豆大聲叫仔
個仔又大叫大玩特玩
我記得我最初去圖書館是老父帶我去他會說我知不可以嘈要守則
現在我認為這方面太放任了
久不久就有的父親和孩子玩大叫等
其實要教會孩子守則是很緊要

例如完廁洗手 禮讓等
當然未去到好似政府廣告甘過份
跌左向地垃圾都執~~但唔好周圍掟垃圾呢D公德野
自己做之餘都要教比下一代聽點解~~
叫佢唔好做之餘自己也要解說

好重要..例子-父母食煙,子女模仿..(10歲以下食煙有過萬人)

咩叫做身教

絕對重要
父母就是小朋友第一個社會,他們學到的多是從家庭
父母能互相尊重,互相愛護,互相分享,互相關心,體諒,支持............
小朋友自然會學懂

假如父母互相推卸責任,說謊,各不相讓,自私,終日吵吵鬧鬧,貪圖利益..............
小朋友又會學懂什麼,真的不能想像..............

要教好一個小朋友不能少的是一個良好家庭
良好家庭是由父母開始,父母的行為最直接影響的是小朋友

父母能對家庭有責任感
父母給予小朋友重要的人生價值觀
父母自身的品德,修養,行為給予小朋友的影響很大
良好的家庭養育工夫不單只重視家庭和諧和穩定性,父母亦是非常重要

重要!!!!!!

有日我搭巴士, 坐我隔離有個女仔應該得7-8歲, 著住套小學校服講緊手提, 全程好唔耐煩蔑嘴蔑舌, 我覺得佢好肉酸.  但即刻令我諗起其實我自己忟憎一樣係咁既樣, 其他人睇到一樣會覺得我好肉酸

而點解一個得幾歲既細路女都會咁既樣, 一定係見到人地咁做, 佢地就有樣學樣

我而家做左人阿媽, 我唔會0係個女面前鬧人, 發脾氣, 蔑嘴蔑舌... 所有我覺得肉酸既野我都唔會做, 因為我唔想個女學埋呢d衰野

父母唔係完美既!
佢地都未必每樣"身教"既野都正確
但都盡量唔好俾仔女學到佢地d極度唔好既野
好似有d父母食煙,講粗口,鍾意同人郁手郁腳
呢d就唔應該o係仔女面前做
否則第日你地既仔女o係出面咁樣做
俾老師記過/得罪左人時
做父母既都唔知點教佢地好
因為自己根本一d說服力都冇
唔通真係一句"小朋友/做仔女既唔可以咁做"質埋去咩?
好老實,如果我係個仔女會唔服
如果我係家長都講唔出呢句野!

其他既
如果父母只係見到鄰居/樓下secure唔打招呼
或者唔環保(如濫用paper)呢d未至於傷害到人地既少少壞習慣
我又覺得可以身教到就教
父母唔想夾硬做出來既都冇問題
起碼唔會俾人拉/罰錢/記過先