一個有SL既女人, 終於為佢老公喊喇  我有一個同事, 佢口中既老公一直都有嘆冇讚既
結左婚4年, 今年佢有左一個SL, 關係好到不得了.. 

每日都可以聽到佢數佢老公點衰點衰, 佢SL點好點好.. ( 就俾佢口中既一句: 唔會同老公口交, 同SL就乜都造暈)

上個月佢開始跟蹤佢老公, 懷疑佢老公有SL.. 又check佢電話, check佢visa, check佢email, 都冇咩發現

星期一, 佢老公直接同佢講話有個第三者出現左, 仲話係佢發現佢老婆(我同事)有SL之後先一齊既

今日見到佢喊喇, 收起哂平時既得戚.. 輸左婚姻, 輸左個佢平時話淨係識對佢好, 一無事處既老公

**************************************


尋日呢個同事4點左右就走左返屋企諗住留坐住佢老公( 佢老公諗住搬去Hotel住)

佢返到去就見到佢老公同果個"女人" (同事話佢19歲既)

佢就二話不說走去果個女人面前星左佢一把, 話佢為左一時貪玩, 破壞左佢個家庭

點知佢老公終於開口喇, 就話: 我知道左你有男朋友咁耐, 又做過咁多野希望你自己醒目同佢分手, 但係我每個星期六見係髮尾都未乾就走返黎, 完全唔怕我知, 唔怕我懷疑, 而家仲打人 (copy from company internal msg board)

我同事都冇野再講, 就睇住佢地兩個執野走

佢老公會分番半間屋俾佢 (都有150萬左右), 叫佢自己通知外家, 
叫佢(我同事)唔好屈佢有第二個女人先, 叫佢坦白同自己屋企講自己有第二個男人
如果唔講佢老公就自己打去同佢講..



**************************************


尋日呢個同事4點左右就走左返屋企諗住留坐住佢老公( 佢老公諗住搬去Hotel住)

佢返到去就見到佢老公同果個"女人" (同事話佢19歲既)

佢就二話不說走去果個女人面前星左佢一把, 話佢為左一時貪玩, 破壞左佢個家庭

點知佢老公終於開口喇, 就話: 我知道左你有男朋友咁耐, 又做過咁多野希望你自己醒目同佢分手, 但係我每個星期六見係髮尾都未乾就走返黎, 完全唔怕我知, 唔怕我懷疑, 而家仲打人 (copy from company internal msg board)

我同事都冇野再講, 就睇住佢地兩個執野走

佢老公會分番半間屋俾佢 (都有150萬左右), 叫佢自己通知外家, 
叫佢(我同事)唔好屈佢有第二個女人先, 叫佢坦白同自己屋企講自己有第二個男人
如果唔講佢老公就自己打去同佢講..



*************************************


佢老公既email:  (我打一次出黎, 公司機copy唔到email)

老婆: 

妳始終都係我老婆, 妳係我第一個老婆, 亦係最後一個. 
妳係我最鍾意既女人, 唔會有另一個人, 同我經歷過咁多.

不過自從我3月知道左妳同佢既關係, 每一晚都陬惡夢, 仲記唔記得你問我點解會放個電視仔入房?
因為我好驚, 我一發惡夢醒左, 好想第一時間知道自己o係自己屋企, 知道自己老婆仲o係身邊.
我同自己講, 俾100日時間你同佢分開, 點知100日又100日, 最後我不得不開口

自從我發覺妳同佢一齊, 我留意到你每個星期三同星期六, 都扮到好靚返工
放工見到既妳, 係冇哂化妝品, 頭髮未乾既老婆
妳既新香水, 妳既新手袋, 妳既新介子, 每一樣都係令我流淚過既野
我更見到我送既結婚禮物長期放埋一邊

我識左我而家既女朋友4個月, 同佢未有關係, 因為我唔想我會好似妳咁
戴住隻結婚介子同另一個人上床

我冇怪過妳, 我都冇怪過妳既他
因為我知道係因為我, 妳先會同左佢一齊, 可能佢既出現, 令妳唔再留意我
我放低左遊戲機, 換哂所有妳唔鍾意我著既tee, 買左恤衫, 睇妳鍾意睇既戲, 聽妳鍾意聽既歌

我地以後既路, 都會同唔同既人走落去, 不過我人生最開心同最唔開心既路, 都有妳同我一起走過
無論第時有咩發生, 我地面對既時候, 都唔會再有對方
曾經發過既誓, 對唔住老婆, 我冇辦法繼續落去
我唔會記住有呢一日, 因為我想記住既, 係我地開開心心過既每一天

俾最後一次咁叫妳 -- 老婆

**************************************
佢老公話會答應公司派上大陸做野 (一月起程)
唔知會幾時番



新歡就唔知會唔會
佢話佢都想知, 不過覺得自己冇資格問

佢同佢老公講, 話無論佢幾時番黎
HK都有一個永遠等佢既人

佢老公問佢點解唔同果個人一齊 (佢SL)
佢答佢老公果個人有老婆, 唔會一齊, 都係貪玩

佢老公話如果佢識左個新男朋友, 唔好俾人知佢有間屋, 費事俾人連屋都呃埋

同埋唔好放左間屋住, 而家個市唔好

佢老公而家個HK電話號碼會照停用, 大陸手機就唔會俾佢

不過冇提離婚既野

************************************************************************


佢呀媽(親生)同佢講:

如果佢怕悶一個人(因為個工人用埋今個月)佢可以去果度陪佢訓一排

可以幫手抺下野

不過就叫佢唔好返(外家)去訓, 因為唔想俾其他人知

因為連佢呀爸都未知, 話睇定d先 (呃住佢呀爸話佢老公要上大陸做野)

同埋話想要個電話同佢老公講下

話好彩冇BB (即係佢呀媽都知佢地有上過床) 可能仲有機會一齊番

最好既一句就係

萬大事都仲有媽媽, 萬大事都仲有屋企, 就算你點錯都係我既女
你唔死, 媽媽一日都唔會死陪住你

**************************************************

3個星期前, 公司要合併
10個裡面要out4個, 講工作效率既大前提下, 我炒左佢
2月尾佢就和平離開

雖然非常偏私既我, 真係打算同等工作效率話, 炒另一個
不過計performance, 佢又真係應該離開我地呢個是非精既大家庭
起碼唔洗再有我呢個將佢既衰野周圍唱既上司丫

過左呢個星期一, 公司都通知左會離職既4位, 佢地亦知道係我既決定
但係都冇怪到我呢個對佢地咁冷血既manager
仲講定最後一日, 要開公數(我請), 食餐勁既, 個個都叫老婆老公出席(我地公司既文職係全部已婚)
呢位女同事, 講左到時會帶埋老公出席, 我地聽到既每一個人都呆左
同事間問番佢, 佢話因為一直都有同佢老公email, 佢老公知道左佢俾個衰上司炒左之後
就叫佢去大陸同番佢一齊, 要佢放低HK呢個花花世界, 放低屋企人, 上去住大概兩年左右

佢老公既一句:
我唔要孤身上路, 唔要自己既女人再孤身上路, 以後有咩都要一齊面對

我有女同事一睇完就眼紅紅, 個個都異口同聲話如果自己個老公係咁, 就唔會有而家既sl喇
男同事就笑呢個男人蠢
我都係果句, 真心祝福佢, 同佢講(包括其餘3個被炒既同事)
如果公司好番又請人既話, 我會出信俾你地, 未搵到工既, 番黎同番我地再打拚過
呢個女同事好似好感動咁, 仲話2月尾果餐會叫佢老公黎多謝我~ 哈哈~
(如果佢知道佢既事咁多人知, 可能send個病毒俾我都似)

星期一同大家匯報

今 晚 你 地 要 開 開 心 心 食 呢 一 餐 飯 呀   
留 返 一 個 美 好 的 回 憶 比 大 家
過 去 的 事 已 經 過 去
離 開 的 同 事 會 有 新 工 作
有 一 個 新 開 始

SL到底stand for 乜嘢呢？ 係Secret Lover 嗎？

早知有今日，又何必當初呢？不過佢地從頭再來，都係好事。

嘩...我以為你失蹤
好耐都唔見到係度

都總算是大團圓結局啦,

無左份工但有番個好老公, 都是開心既!~

Happy Ending ... 咁好既老公, 叫你同事(好土講句) 好好珍惜啦...

好嘢 有續集
好詳細呀
不過無心機睇

她的老公那封email 真是超感人，我忍不住流了眼淚。