我24歲，做會計，有22萬左右SAVING，想用六萬蚊番大陸自由行玩番四個月至半年，唔知得唔得呢？
我係打算玩得舒服D，一個人周圍去，唔知有無人可幫我準備下行程，去邊玩好呢？謝謝。

六萬玩一年都絕對無問題~
我今年畢業之後都要玩一年~

若要舒服開心，六萬玩半年真係有點難度。好似我去上海杭州，住錦滄文華同西湖香格里拉，九百幾蚊晚，七日已七千蚊，食好少少，一日平均三四百，加埋交通，己過萬，好彩係公司俾錢。

從另一個角度去睇，其實花六萬蚊在大陸玩半年，即係平均一萬蚊玩一個月。在大陸好多地方，一個家庭總收入都未必有一萬蚊。而有一萬蚊收入o既家庭，當然唔算得係富有，但起碼已經唔算窮。所以如果一個人在大陸每月有一萬蚊花，都可以算得係唔錯架喇。

不過在一個地方生活，同去果道玩，差別可以好大。就講食同住；去旅遊去玩，當然唔會固定租住一間民居，亦唔會餐餐自己煮飯食啦！現時大陸好多城市，住酒店同上餐廳消費一 D 都唔平。再加上去旅遊景點交通費，亦唔會平得去邊。所以呢個 budget (六萬蚊）去大陸玩半年，雖然唔會好差亦唔會舒服得幾多架咋！

或許，某一日，我在大理、麗江、鳳凰 、拉薩......某個風景秀麗的角落遇到你，你已在當地開了間客棧或小酒吧！可能嗎？

係啊~一定會由成都做起點喇~
用哂D錢就番香港~計算過大約可以玩到一年~
我覺得如果要普通舒服六萬玩一年都可以~我成日見到D 3星酒店房都係百幾蚊一日~
又唔會日日喜來登/香格里拉掛~