希望同大家分享本人的經歷，也想俾大家感受到有很多事冥冥之中是有主宰。我會將呢幾年的經歷分開很多的事件來說。這會很長篇的。

(第一年)

那一年，和前度 (S) 拖拖拉拉的，他那愛理不理的態度使我心淡。愛，還是有的，但是開始不想再被這個人折磨我的身心。

二月初某一天早上，原本約了他外出，但他到那個時間又關上了電話，不讓我找到他了。很不開心又有點生氣地回家，那時就快放農曆年假，而且剛開課無耐，無太多野做。

突然心中有個念頭﹕在網上找個人聊一聊。

在聊天室，看見一個個名字，但沒有提起精神去選擇哪一個人去談。突然看到一個特別的名字，好奇下按下那個名字，問他幾歲、做甚麼職業。

他說他29歲，巴士司機。(後稱 T)

29歲的巴士司機﹖﹖
(話說回來，小女子自小和巴士很有緣份，本人有幾個親戚都曾/在巴士公司任職，鄰居也是，我也很喜歡搭巴士的。)

在我印象中，巴士司機多數都係阿叔。後生的唔係無，但好少，所以又再問佢多d野。

佢話佢係渣郊區線，我話，我都好少會搭，不過我都順口問佢係邊條線。佢答左我，我話，我以前搭過一次，但印象不深。

聊天室的網絡不太穩定，突然斷了線。後入返去，已經看不見他的「名字」。不過好快有第二個名叫我…
(待續)

popopopopo

VERY GOODDDDDDDDDDDD

sup  !

(續)

他原來用了第二個網名 (後來才知道那是他的英文名)，很普通的談了幾句，他也有說自己的名字(中文名的最後一個字)，之後他說要開工了，留下了ICQ號碼。

之後兩三天，大家都是在ICQ上談話，其實沒有甚麼特別感受，因為只是交情淡淡的網友。

然後是農曆年了，年初一、二都沒有在ICQ上看到他online，年初三那天，他說他明天(年初四)會渣第二條線，開玩笑地叫我搭佢車。我不置可否。

年初四那天，也是閒極無聊，求其向家人編了個理由外出，真的去等那條路線的巴士。(其實諗返都好傻，因為呢條線唔係我屋企附近，我係要特登搭20分鐘出去再轉車的)不過呢條巴士線班次都幾疏，唔係繁忙時間的話，大約20-25 分鐘一班車，最後等到架巴士，不過係一個阿叔渣車。上到車，睇埋個車長名字牌，我肯定唔係佢了。

架巴士出到去九龍總站，因為附近無乜商場，所以又搭返巴士走，不過唔係搭返o個條線。

返到屋企，吃過午飯後上網，沒多久他上線了，我對他說我今日真係走左去搭XX號巴士，不過見唔到佢，佢好似好驚訝咁，話早知俾埋佢開車時間我。突然，他的網絡十分不穩定，online幾秒又offine，呢個情況不停咁重覆。跟住佢趁佢online到時斷斷續續咁打字，大意係話佢電腦中毒。不知何故我很想幫助佢搞掂部電腦，我主動留下了自己的手機號碼，叫佢打俾我。

幾分鐘後，一個沒有來電顯示的電話打來。是他，很平淡地問我應該怎樣做，我花了個多小時教他，我一路講佢一路嘗試修復佢部電腦，不過到最後佢話佢都要剷過部機先得。但我地無因為咁樣收左線，反而傾左好多其他野，例如佢d朋友。佢仲話我好搞笑，佢估唔到我會特登搭車搵佢。最後，佢轉用左佢自己手機打來，有來電顯示，所以我又有佢電話號碼了。前前後後傾左差唔多三個鐘先收線。

(待續)

樓主呀，等我又黎支持下先，篇文寫得好好呀，
某程度上呢篇文同我某一個朋友都好似，
不過我相信我地只會是朋友的關係，
anyway 我會等你寫晒佢架，因為我真係好想睇晒個結局。

really good job

好似我以前..不過我果時做車房
條女真係自己無啦啦係我車房門睇左我幾個字
番到屋企同佢吹水話今日有條白痴靚女係我車房門口
佢又問番我唔去溝佢?我就話35識7
再傾先知來係佢....咁就行左3年

引用:

樓主呀，等我又黎支持下先，篇文寫得好好呀，
某程度上呢篇文同我某一個朋友都好似，
不過我相信我地只會是朋友的關係，
anyway 我會等你寫晒佢架，因為我真係好想睇晒個結局。

都幾長ga，因為真正既了解係拍拖開始先，而且，有d野原來係誤會底下先發生。
不如為左交代清楚d，我會講返d時間

引用:

好似我以前..不過我果時做車房
條女真係自己無啦啦係我車房門睇左我幾個字
番到屋企同佢吹水話今日有條白痴靚女係我車房門口
佢又問番我唔去溝佢?我就話35識7
再傾先知來係佢....咁就行左3年

我就無咁簡單了，開始就好簡單，但係好多特別野係一齊後先發生，先到而家今時今日

(續)

雖然大家知道對方的手機號碼，但其後都無話特登再打電話俾對方，我在ICQ說，我係數碼通台，不過大家唔同台，否則可以發免費短訊。
點知呢個Message 之後o個日，T 收工後同佢的朋友走左出去數碼通開台 (即係用多個電話號碼)，然後打電話來同我講，叫我以後可以用呢個新電話號碼聯絡。
佢仲開玩笑咁發左d好肉麻的短訊，仲留埋自己個中文全名。

不過我當時的感受不是太大，只是當係一個普通朋友咁，但係佢就好積極咁聯絡我，仲在電郵send左佢張相俾我。

大約兩日後，無意中在徵友網見到佢的徵友廣告 (因為有佢張相)，我在短訊中話佢知我見到佢的徵友廣告，仲祝佢早日找到心中的理情人。點知佢好大反應，話唔再登之餘，仲俾埋佢電郵地址的密碼我，話第二時我可以check佢電郵。

雖然如此，我同佢未見過面，而且當時仍然和 S 拖拖拉拉的，對T只是想多個朋友，幫助自己擴大生活圈子以忘記 S。

(待續)

OK

引用:

都幾長ga，因為真正既了解係拍拖開始先，而且，有d野原來係誤會底下先發生。不如為左交代清楚d，我會講返d時間

長係唔緊要既，我點都會追落去睇既，慢慢黎，唔洗急。

支持一下樓主先
樓主慢慢出啦，呢d精神食糧，當然要慢慢黎啦