陸羽仁講得好arm...大家可以花時間睇睇：
金融High Tea——匯豐掂唔過
港股上周五反彈乏力，收報13,255點，微升升12點。上周五的美股叫做好番鱓，杜指反彈68點，升幅0.8%，升番上8281點，不過美國金融業仍然充斥覑大量壞消息。
首先係美國財政部宣佈向美國銀行注資及擔保壞資產，美國銀行去年併購美林證券時，曾經風光一時，但當地金融業狀況繼續惡化；美銀亦都頂唔順，美林證券公佈第四季業績，虧損153.1億美元，是這家金融公司歷史上最大虧損。美國銀行第四季則虧損17.9億美元，是1991年以來首次報虧，由於美銀在今年初才完併購美林的交易，所以佢去年第四季業績並沒有將美林的巨額虧損併帳。
注資美銀花旗拆檔
個仔美林輸咁多錢，做阿媽的美銀亦頂唔到，再向美國政府求助，財政部同意向美銀提供200億美元的新資本，獲得該銀行部份優先股，並為美銀1180億美元問題資產提供擔保，此舉旨在幫助美銀消化對美林併入的有毒資產，並防止金融危機受美銀的問題拖累而進一步深化。
美
國銀行業的壞消息唔止一單，花旗銀行宣佈去年第四季虧損82.9億美元，這已經是花旗連續第五個季度虧損；比對07年同期虧損98億美元，現時虧損並無大減縮，07年底時市場以為花旗好快搞掂虧損，點知一年過後，還是繼續噴血。07年入股花旗的大孖沙，自然深受重創，花旗股價去年一年大跌77%，由於形勢急劇惡化，花旗合共接受了美國政府450億美元的援助貸款。
花旗虧損持續，要大動作應變，首先要加快賣仔行動，花旗早前公佈出售所羅門美邦證券予大摩花旗，而家再計劃出售CitiFinancial的消費借貸部門，以及日興資產管理公司。花旗實在頂唔順壞資產的蠶食，唔單止賣№，還計劃把自己一分為二，分為「好銀行」和「壞銀行」，「好銀行」叫花旗集團（Citicorp），保留原有花旗高質素和健康的資產，將有問題的資產和業務分拆出來，成為「壞銀行」，個名叫花旗控股（CitiHoldings），將持有該公司高風險資產。
分拆之後，「好銀行」花旗集團會愈來愈專注於傳統銀行吸納存款、借出貸款業務。花旗10年前所組建的「金融超市」就此宣告解體，在1998年時，雷德（JohnReed）領導的花旗集團和威爾（SandyWeill）領導的金融服務集團（TravelersGroup）合併，組成了現在的花旗集團。當時合併後的花旗業務橫跨各金融領域，成為美國第一、世界第一的銀行集團。如今證明花旗成立金融超市後以冒進經營手法，已種下今天敗亡的禍根，花旗唯有還原基本步，向傳統銀行的方向回歸，規模都會大幅減縮。
散戶唔信人沽我買
現時已公佈業績的美國巨型銀行中，只有摩根大通尚有盈利，該行去年第四季純銳減76%至7.02億美元，折合每股盈利7美分，雖然唔多，勝在還是正數。
你睇鰦咁耐，可能會問美國鱓銀行唔掂關我懐乜事。我話美國金融業救極都浮唔番上水面，絕對關香港事，你睇隻匯豐控股（005）股價及相關新聞就知。講起匯控呢隻香港人的愛股，散戶自然一肚氣，近日美資大行大摩首先唱淡匯控，定出52元的目標價，到上周五高盛都加把口唱淡，目標價仲定得低過大摩，只是49元，散戶聽到自然媽媽聲，唔信之餘，還來一個血肉長城，實行人沽我買，不斷入貨，不斷溝淡之前入的貴貨。
先睇纒大摩和高盛點講。摩根士丹利估計，匯控起碼需要注入200至300億美元的資本，最壞情況下甚至要透過供股集資200億英鎊才足夠，匯控09年度難免要大削派息50%。大摩相信匯控09年度盈利倒退程度比佢原本估計更嚴重，故將匯控08年至2010年度每股盈利預測，分別下調17%、39%及32%，認為匯控最快要2011年度才可復甦，即係話匯控仲要衰多兩年。大摩維持對匯控「減持」的投資評級之餘，更將目標價由75元削至52元。
高盛睇得更淡，佢將匯控評級由「中性」降至「沽售」，納入「確信沽售」名單，並將其12個月目標價大幅調低36%，由77元降至49元，即相當於09年市帳率1倍。高盛甚至估計，匯控09年度業績可能出現歷來首次的虧損達15億美元，包括為美國匯豐融資作商譽撥備63億美元，並且不會派息。
美國同業只剩零頭
高盛報告續指，受預期美國樓價將由高峰期急跌40%，以及當地失業率攀升影響，匯控至2010年會因為美國匯控融資業務錄得虧損198億美元，以及就集團總值7,880億美元的美國證券投資組合帳面虧損280億美元。高盛認為匯控可能需要集資170億美元，以將其一級資本充足比率增加至7%的合理水平。
好多散戶十分不滿美資行唱淡匯控，認為有外資大戶借匯控壞消息插低港股，呢鱓講法錯唔晒，港股1月以來升又升得比美股多，跌又跌得比美股勁，自然不排除有大戶玩№，但大戶借匯控的壞消息玩№，唔等如匯控的壞消息係假№！我係從經紀張的一番評論中發現問題，佢話︰「鱓鬼佬大戶好衰鎹，咁樣隊低大笨象鱓股價，想夾到我懐沽貨俾佢買平貨呀，無咁易！」我聽到呆鰦一呆，問佢「點解你覺得鬼佬大戶想買匯控呀?」經紀張反問「唔係想買匯控隊到佢咁低做乜?」我話「鬼佬大佬睇到環球金融巨企要插，就先推高大市引老散落疊，到散戶上晒賊車，匯豐就開始大插，大戶係沽期指賺錢，唔係低撈匯豐賺錢。散戶當然唔覺得匯豐應該跌，唔信鏡，仲要買多鱓，咁就俾人愈咬愈深鮁啦。」不過經紀張聽完都仍然唔係好信鏡。
我估唔少散戶都同經紀張有同樣感覺，所以不妨深入鱓講纒。散戶覺得匯豐無可能咁平，但世事何曾是絕對。大摩、高盛先後唱淡匯控，自有其理由，香港人覺得匯豐好好，但華爾街中人眼看佢鱓美國最好的銀行都跌到一仆一碌，匯豐又係唔係好得咁多呢？以前美國最大銀行花旗，如今每股3.5美元，一年高位28美元，得番八分一，跌到依家家公司總市值只有 190億美元，真係得番個零頭（此市值未計算美國政府購入優先股可能換取普通股的效果）。美銀股價7.18美元，去年高位40美元，得番五分一多鱓，市值 457億美元。而家美國最銀行摩根大通22.8美元一股，一年高位49美元，而家得番五份二多鱓，市值851億美元。倒過頭來睇匯控，一年高位126元，而家64元，仲有一半，市值7796港元，即係差不多1000億美元，比摩根大通更大，咪即係大過晒美國最大的銀行？
如果係工商銀行（1398）股價及相關新聞，仲可以話佢自己市場同美國完全無關係，唔使同美國的銀行比較，但匯豐有三分一業務在美國，仲係最大鑊的次按業務，其餘三分一業務又在愈來愈大鑊的歐洲，咁匯豐又點可以獨善其身呢？鬼佬睇到匯控的死穴，又點會唔唱淡匯控，又點會唔借匯控隊低香港大市呢？
美國的銀行出事後要政府大量入股或買入可換股的優先股，將現有股東的權益大幅攤薄，而且仲要注資完再注資，攤薄完再攤薄，所以股價才跌過不停，StewartCapitalAdvisorsLLC的首席投資官MalcolmPolley對彭博通訊社話，「依家買入美國的銀行普通股，就好似一個傻仔遊戲（Fool'sGame），因為那些股票的股價不會增長，依家人人好似玩緊一個遊戲：到底那些銀行會縮到幾細呢？」到底匯豐又可否逃過美國的銀行的宿命？佢使唔使集資呢？若佢集資後都唔掂，搞到政府入股的一天，咁就無眼睇啦。
傻仔遊戲愈玩愈縮
睇匯豐的基本因素亦唔係咁安全，高盛話預期美國樓價將由高峰期急跌40%，所以到2010年美國匯控融資業務錄得虧損198億美元。如果美國好似香港97年金融風暴後咁樣，樓價跌7成，又會係乜局面呢？唔好咁誇張，跌5成好未，都可能比高盛的估計大鑊。我唔係話一定會咁，只係話有鱓風險。
所以我的結論係：今天的匯豐，唔等如過去的匯豐，美國的銀行業一日未穩定，美國的樓市一日未跌完，匯豐都未脫離危險期，唔好一見佢跌就話買。現時大市 13000點，未到長線投資者安全入市的水平，最好忍一忍。萬一你好多錢唔買股票唔舒服，一定要買，去買中移動（941）股價及相關新聞安全鱓，大市要升，中移動一樣會升，跌起上來，中移動會安全過買匯豐，因為中移動唔會爆煲，但買國際銀行股就唔講得咁口響了。
陸羽仁
