投票主題
第1次POST相,希望大家支持下俾D意見..好平凡0既1對~
我同我男朋友已經一起2年又19日啦~
經歷過好多野.. 不過除左0岩0岩開始0個半年之外,後面既多數都係鬧交.. 我覺得我地性格好不合,好多野都溝通唔到,鬧過分手好多次,但係都放不低.. 亦有試過俾大家1段時間冷靜下,不過冷靜期之後好左冇幾耐,又重蹈覆轍~ 或許係因為佢係我既初戀,所以我好難放低.. 我覺得同佢一起,真係唔開心多開心好多囉!! 不過我真係想同佢一生一世都一起架,因為我真係好愛佢.. 可能係因為我個樣好平凡,又好肥,所以覺得好自卑.. 難得遇到1個鐘意我既,我就投入全部感情落去.. 但係我越愛佢,越在乎佢,我就越感覺到佢對我越黎越差!!  依家回憶返去,覺得我地1起都冇乜浪漫同甜蜜既回憶.. 唔知係咪因為我地既年齡差太多?(佢大我差唔多5年) 有時真係覺得維持呢段感情維持得好辛苦.. 不過我地已經談及婚嫁架啦~ 我唔想結婚之後都係成日咁吵落去.. 因為真係好傷感情!!  我睇到你地既合照,都覺得你地好sweet丫~ 真係好羨慕.. 我就0係0度唸,係咪我太醜樣或者我性格太差,所以我不配擁有幸福呢? 點解上天要安排我同佢一起,但係又搞到大家都唔開心? 到底有乜野方法可以增進我同佢既感情? 等佢在乎我愛我多D?    好需要大家既支持同埋鼓勵~希望你地會花少少時間回覆同埋幫我投票! 感激不盡丫~ |
|
|
|
