我的狗狗現在已經9個月大...自從6個月時同狗狗做了絕育手術後..就好驚陌生人..無論在家或者出街都係一樣...有時出街見到前面有人行近..佢就會驚到走去我後面或一路向後移...有時d車經過發出聲音佢又會好驚...一出街精神都好緊張...四圍望..頭另另咁..唔係好奇果種..係緊張到有小小聲就望...試過有朋友想摩下我隻狗時..佢仲會驚到賴尿.但回到家中一切會回復正常.跑跑跳跳同我玩咬玩具等等..我都有問過vet.佢話有d狗狗手術後都會有咁既情況..要慢慢黎無得急.又話同佢見多d人出多d街等佢無咁驚..所以現在我每星期都盡可能帶佢去遠d既地方行下...睇多d野...但唔知這樣幫到狗狗幾多或是做得岩唔岩.....有無網有之前都有我既相同情況?可以教下我應該點做嗎...謝謝..我唔想我隻狗狗咁唔開心

唉...我隻twingo直頭未做手術都好驚人...唔止驚人...連出屋企個走廊都驚到震晒...對住其他狗佢會狂吠o家...但一路吠一路震囉...吠完就走去我後面...我都冇佢辨法...又要吠狗又要驚...其實唔好太緊張...不如試下得閒搵d朋友上o黎坐下陪下佢睇下有冇好d...俾佢見多d陌生人應該會習慣o家啦...

帶佢多Ｄ出街見多人和物! 習慣下就好D，　我細女之前幾個月大時都好驚青，　出到街見人吠人，見狗就吠狗，　見到廣告牌既人型物體都吠!　之後同佢去多左街，見識多左好好多，　見到人唔會吠，　仲會擺尾，　見到狗頭個幾分鐘都仲有吠，熟習左，　同Ｄ狗狗互相嗅左PAT PAT　之後就唔吠！
唔駛擔心既，　等佢慢慢適應！