各位好, 本來今晚系要溫書做Assignment..
但讀極都讀唔入腦...就黎呢度寫下野啦..
要睇下呢個post反應點..如果好的話我會繼續寫落去~~
如果大家有咩唔同意見, 歡迎指出. 大家友善討論
姚明
自王治郅被趕出國家隊, 巴特爾響金塊打到成pet野的時候.
移動長城又一人進入NBA, 有別于王治郅以及巴特爾, 姚明被火箭隊以狀元簽帶到美國, 伙拍法蘭西斯同莫比利, 開展佢美國之旅.
姚明的新秀賽季, 一如所有人預料, 身體素質成為佢一大阻礙.
雖然擁有身高優勢, 但被認為過於"軟"的作風以及身體素質, 佢有時候甚至連藍底都入唔到去.
但另一方面, 姚明踏實的球風響新秀賽季已經初露鋒芒.
post 後仰跳投, 勾手. 等等, 已經令所有人對佢眼前一亮.
響對遛馬的賽事當中, JO 防守佢的時候佢更加以Olajuwon式的dream step耍左JO一次.
令人覺得姚明雖然慢, 但靈活.
接下來幾年, 姚明一直進步落去. 雖然進展唔系特別明顯.
但漸漸睇得出姚明開始有火氣,開始有所謂的霸氣. (其中佢響nba生涯第一次食T-foul, 就系入樽之後對住Raliff大叫一聲后被吹)
身體素質漸漸強壯.
雖然彈跳同速度仍然系佢弱項. 但對於佢的優點, 呢兩個缺點就顯得比較細喇.
04年, 火箭換來Tmac...
但姚明的不幸也同時開始了..
接下來三年.(05-08)
姚明都因為傷患問題..最多一個賽季都只是上場57場.
雖然如此, 佢繼續穩健的進步響06-07賽季爆發.
取下生涯最高的平均25+10成績.
其實姚明進步的幅度系比較細的, 但卻系每年都見到佢進步落去.
有好多人話, 姚明進步幅度細, 要歸咎於他的傷勢以及每年暑假要回去國家隊集訓而參加不了火箭隊的訓練.
但姚明就系如此一個按規矩, 遵守記錄的一個人.
要防守姚明, 系肯定需要雙人包夾.
單兵防守黎講, 聯盟已經無一個中鋒可以防死佢.
提起聯盟第一中鋒, 好多人已經第一時間想起姚明.
而姚明要奪冠. 首要條件就系要保持健康, (當然隊友的健康都非常重要)
然後就系要教練懂得點樣去活用姚明. 利用姚明響內線的牽引力帶動外圍隊友進行進攻.
其實只要做好呢兩樣, 唔好話突破第一輪, 奪冠亦唔系一個夢想.
只不過按照目前火箭的情況.
或者姚明可能要再等多一兩年先可完冠軍夢.
但我地會期待呢一日的到來!!!
Kobe Bryant
從98年開始睇波, 首次見到當時有個湖人球員身穿8號球衣, 響Jordan退役呢年經常以Jordan式second time上籃, 飛人式入樽黎得分.
吸引左我注意力. 呢個人就系Kobe.
從中意到喜歡Kobe, 再到后黎因為逼走O'neal等等小動作而憎恨Kobe.
對佢唯一一樣無變的, 就系對佢實力的肯定.
初出道的Kobe, 防守差, 進攻手腕單一, 中距離唔穩定.
當時佢進攻手腕就系利用速度同運球突破然後直接入樽或者強硬黎個second time.
佢當時射波, jump同shot系分離的, 睇得出佢唔系話"力從地起"果種射波.
當時佢打波依靠的, 系佢先天性的身體素質.
但Kobe 的努力令佢漸漸踏上真正巨星之路.
99-00年, 正正是湖人三連冠的第一年.
Kobe 中距離開始穩定, 防守上的進步也非常明顯.
呢年雖然佢入左防守一隊. 但果陣佢d防守亦屬賭博式. 呢樣野遲d講.
Kobe進攻端響呢年開始進步, 雖然當時佢中遠投已經有一定殺傷力. 但仍然系有唔少人可以防到佢.
所以湖人三連冠, 三年的主角仍然系O'neal.
Kobe真正大幅度進步, 系F4時代.
有payton指點后, 佢防守更加犀利, 變得唔再系賭博式防守, 而系穩打穩陣的單兵防守.
開始鍛煉身體素質, 記得佢有一個暑假就加左20磅定10磅肌肉.
Oneal 其餘三人出走后, 更加等於卑左kobe 無限出手機會.
佢進攻手段開始多元化, 已經成為聯盟第一號得分機器.
05-06年, 更加單場攻入81分!
一切一切, 都標記著Kobe 響進攻端上已經系冠絕聯盟.
從Kobe系獨狼到e+終於打團體波.
作為一個曾經喜歡過kobe的人, 亦作為一個e+憎恨Kobe的人.
對佢呢樣野成長我都感到開心.
e+防守kobe系個令人頭痛的問題. 單兵防守咩,
你防到佢突破佢又中距離射你, 你防佢射波佢又過你. double team? 唔好講笑喇, e+ kobe肯傳波噶喇.
想用身體強度蝦kobe? 唔好意思, e+ kobe身體強度雖然唔系頂級, 但足夠頂住等到入埋哨子響埋先彈開.
防到佢一定程度咩? 佢又可以經過調整用另外的方法得分.
e+聯盟中單兵可以防到kobe的, 上年final我地見到posey同pp都做得唔錯.
artest 小王子都系人選之一.
但要成場防死kobe...系已經無可能的事.
防kobe最大效率, 反而系利用兩個身體素質與佢相當而且防守很不錯的人以車輪戰防守. 同時配合區域聯防, 咁樣就可以將kobe功效降到最低.
而kobe e+已經穩到拿冠軍的鑰匙, 至於拿唔拿到, 就真系要睇佢自己喇.
Allen Iverson (AI)
AI 向聯盟申報佢6尺高. 姐系183cm.
但睇過籃球雜志話AI去香港&台灣時, 有d 183cm的人企系佢隔離都比佢高.
證明一樣野. AI 分分鐘只系180cm左右.
從出道到e+, AI 冠絕聯盟的系兩樣野: 一系速度, 二就系招牌式Crossover.
速度唔使講, 好多人覺得AI d crossover 過於花巧, 欠奉實際.
其實不然, 以AI 的身高體重. 佢面對的對手平均都要比佢高&壯. (特別系佢76人時期打SG果陣)
佢如果單靠速度過人, 好容易會卑人用身體逼入死角, 甚至逼到失身位進而失波.
因為體型,佢唔可以好似wade咁單靠speed就足夠過人然後仲要And 1
因為身高,佢更加無可能好似kobe咁突破途中忽然一個jump shoot直接得分
所以佢就要用夸張少少的crossover黎令對方失身位, 捉到對方失身位的一個瞬間就過. 製造空間射波或者上籃.
亦所以AI 射波所需要的空位系要比其他明星大少少. 如果唔系命中率就好容易下降.
再講AI 射波, 佢射波姿勢唔算系標準. 有少少推波的感覺. 但出手就非常快!
呢個亦系因為佢考慮到自己身高+體型而選擇咁樣射波.
AI 呢種打法系最能夠將自己本事發揮出黎, 但副作用就系如果要發揮佢所有能力, 就必須控球時間過長. 而呢樣野就系AI 一直卑人講得最多的一樣野.
可以話身高體型限制左AI 進攻手段上的成長, 令到佢只有向 "快" 呢一個單方面發展.
隨著年齡的增長, AI 雖然已經無以前咁快, 但佢e+的速度都仲系聯盟中數一數二 (可想而知佢當年幾恐怖)
從金塊到活塞.
我地已經好少見到AI 好似以前咁以控球時間過長的方法黎打波.
一方面睇AI 咁樣系開始為球隊轉型. 但從另外一方面睇, 咁樣系埋沒左AI 的功能.
AI 唔系一個PG, 佢系一個純進攻球員. 佢的助攻都系以突破分波為主.
但從金塊到活塞, 似乎教練都想將AI 塑造成一個純PG 或者一個純射手...
咁樣反而會令到AI 綁手綁腳唔知點打..
最佳使用AI 的方法, 就系任佢自由發揮佢進攻的天賦.
但呢樣絕對唔系就話等於任AI 打獨食.
點樣自由發揮AI進攻天賦的同時令AI 有團隊意識,
呢個亦唔系我呢個層次的人可以想到的~
上面打咁多, 純碎系班門弄斧~
不喜勿插~
