o係巴士上拍攝1個女仔o既小腿，警察告知或會被控告"遊蕩罪"。雖然被正式落charge，但已令我非常擔心。

我並唔知會咁大件事，我又唔係偷拍裙底，亦都冇惡意架。果個女仔話要報警，我都非常合作。
想問︰
1. 如果我肯認罪，有冇機會唔需要留案底？定係我一認罪，就一定要留案底？
2. 如果搵法援有冇幫助我求情不留案底？

各位請幫幫忙﹗呢件事令我好困擾，真係冇諗過會咁樣﹗求下大家幫幫手解答。感激萬分﹗

油雞罪第一款.
揾律師攪啦
油雞罪易入罪,但也易打脫

法律界人士表示，基於有行為自由，一般人在街上行走並不會構成遊蕩罪。當遊蕩人士對其他人構成人身威協，或有不軌的意圖，舉例說，例如遊蕩人士在跟蹤的時候進行偷窺，或身上藏有攝錄機或哥羅芳，才有機會被判處遊蕩罪成。他又表示，遊蕩罪只屬小罪，在世界上許多國家都已經取消。而香港大學法律學院助理教授張達明就表示，根據刑事罪行條例 （香港法例第200章）第160條，一般人在遊蕩之外，有意圖犯可逮捕的罪行或導致他人合理地擔心本身的安全或利益，才算是犯罪。
告你因為你偷拍人地隻腳.唔知你用乜物件偷影人,例如電話,相機,定攝影機.

我只係隨意周圍映，snap shot.... 冇特定目標，有人有景，有男仔有女仔，有老有嫩......

映到個女仔隻腳o既角度都係一般人o既視線都會睇到，應該有其中2張相都有映中佢小腿。

我地當時都o係巴士上，我亦都冇任何其他舉動。只係個女仔覺得擔心，咁佢話要報警，我都由得佢lor，諗住只係小事一樁，警察調停下就冇事。

經過個警察解釋，佢話如果個女仔話覺得不安，就可以告"遊蕩罪"。我而家明白佢話個道理，如果要道歉、或者要罰錢，我都心甘命抵，只係如果因為咁而留案底，我就覺得好唔抵﹗

我又冇錢請律師，究竟有咩方法可以唔使留案底？？求大家賜教﹗﹗感激不盡﹗