鐘意左日文阿Sir
唉...我鐘意左教我日文個阿Sir, 佢同我年紀一樣咁大(26)，咁上星期我鼓起勇氣問佢攞msn﹐開頭都驚佢say no，但係問佢時佢好爽快俾左我。
跟住第二日我hi佢，問佢可唔可以幫我同另一個fd補習(借o的意)，因為有好多唔明，佢都話ok可以抽時間同我地補，之後就閒聊左幾句，大概知道佢少少野咁啦(例如知道佢讀緊U，邊間U同乜野系)，之後佢俾左佢電話我叫我夜少少再打俾佢傾補習o既事因為佢要返工，o個晚我地傾左一陣，傾談中知道佢係單身o既，佢話星期六再打俾我睇下幾時補習，咁收線後我就心血來潮send左個msn俾佢，問佢有冇玩facebook，大家交換做個fd，點知出事啦，佢冇覆我之餘，仲冇再打俾我，連msn都冇再online，佢冇online已經4日啦，我諗我已經俾佢block左，但係我唔明，如果你係冇fc o既或者唔想交換fco既咪話冇玩羅，或者唔同我做fd o既咪直講羅，駛唔駛避成咁呀, 今個星期返學仲會見到佢tim架，到時真係超瘀。
唔知係咪因為佢聽到我有個囡所以有咁o既反應，可能就係咁佢誤會左我掛
其實我已經單身，只不過佢唔知姐，冇理由就咁同佢講" 雖然我有囡，但係我已經離婚係單身一族" ，咁咪好狼...
