我同我前度女友分手左都成半年咁耐啦,
又唔係拍得耐, 都只不過係10個月JA MA,

咁短時間,,,
有冇需要到依時依刻都仲要避開我呀?
同成班朋友出親黎, 佢都要同我行相反既路,
連FACEBOOK 都BLOCK 埋羅!

大家都成廿1歲人啦
話細唔細話大唔大,
不過大家都應該拎番應有既風度;

更可況我之前係其中一個好朋友到講到明我唔會同佢復合...
咁佢做乜仲要避黎避去呢?????

係米好唔成熟呀?

起碼都一齊過
點都有感情
何必呢

我同你1樣..我認我之前好衰..
令佢好hurt..因為第3者而分左手..
佢好嬲我..仲del左我msn+faceb00k..
連電話都改埋..我真係好掛住佢嫁..
琴晚我扮1個女仔同佢傾msn..
佢仲好嬲我..仲話唔會再原諒我..
我真係好後悔..我由琴晚諗到依家..
都未訓過..好想add返佢..
但又怕佢唔會批我

如果你要佢同你做番朋友,一定要約佢出黎攤出來傾,或者係佢覺得唔想呢,一五一十傾

你地d 講分手既人or 有第3者而講分手既人
跟本唔應該話人地唔成熟,唔同你做朋友
佢地有權唔想再同你地做返朋友
我都唔明, 分左手仲做返朋友做咩
係唔鐘意先分手, 如果分左手仲好似之前咁
不如唔好分, 你地d人真係好自私

hurt我緊要既人完全做唔到朋友,唔係嘅都可以...而家明女人諗セ未??

其實分手之后做返朋友都未必係一件好事，始終自己仲有感覺，要做返普通朋友，有點難受，不過又唔想同佢完全斷絕關系，所以先至做朋友，如果唔係，我估永遠都見唔到佢，永遠都唔知道佢最近點。

我覺得唔成熟果個似乎係你啵..
人地唔想同你連絡係佢既事
你有咩理由要去控制人姐...
佢都已經唔係你女朋友啦佢做咩你管得幾多
你有權想同佢做朋友, 亦有權將呢份心意話佢知
但點決定我林唔到你控制既

唔關成唔成熟的事.
係有d 人覺得分開左就要clear cut. 唔想拖泥帶水.
就算facebook or msn 冇block 咁又如何. 大家都係冇野傾ga la.
每個人處理方法唔同, 唔一定再見要是朋友.