真係唔好為左慳幾百蚊, 而去排街症.

我頭先剝左 1 隻牙, 打左 2 支麻醉針, 明顯感覺到塊臉已經俾麻醉,
但係亦明顯感覺到牙肉同牙係完全有知覺,
我以前去過私家診所剝牙, 麻醉後情況根本唔同,
我即時考慮 3 個可能原因:

1. 牙肉有發炎, 所以麻醉藥起唔到作用.
2. 藥力不足.
3. 醫生打錯位置. ( 打唔中 )

輪到我剝果陣, 我梗係同醫生講聲穩陣啦,
而佢態度係講多句都嫌費事, 佢話:
係咁架喇, 剝牙實會有 D 痛架喇, 你係剝就而家剝, 唔剝就罷.

( 問多句洗唔洗咁呀 ? ) 佢係醫生, 我當然信佢啦, 點知扯出黎果陣,
感覺係根本無麻醉過 ( 上次剝唔係咁架喎 ), 但最後始終都係剝左出黎.

咬住塊棉花都仲痛緊, 1 小時之後, 傷口止血, 痛楚慢慢消失,
但係接落黎係 2 個針孔位痛, 而且塊面越黎越腫脹.
痛到上頭, 有發燒跡象.

麻醉針不單止無令我麻醉, 而且打完痛過無打.
政府 D 服務劣質係無可厚非 ( 因為唔洗錢, 無辦法啦 )
但我懷疑剝牙用果 D 麻醉藥亦係次等.

嘩咁得人驚
不過第時出去掛牌做私家醫生既都係呢班醫生喎
d麻醉藥應該就唔會係次等既, 又唔係貴.
你真係唔好彩 la.
唔洗錢都唔應該得到d咁劣質服務既

真係好頂癮

而家咁既服務態度係要不得的!

乜咁過份,不如出去脫好過喇~
為左少少錢搞成咁,唔係辦法喎

我想問你去邊間度脫...同埋幾點去輪籌呀

好在我平時都睇開私家診所的

ok wor

劉德華: 今時今日咁既服務態度係唔得架. 投訴佢啦

好在我平時都睇開私家診所的

去愛康健齒科啦~咪咪姐都去

我個次去工聯會剝牙, 打左麻醉針, 完全冇感覺, 一D都唔痛, 仲好快好返...