帶團經驗唔多
係有一次有一家人約十多個幾特別
一:搭船有部份人勁遲到,叫我同船公司講遲d開船....新入行都知無可能,我叫佢同親友講快d,一位女士的答案係:無計格!
排隊過關時已得返幾分鐘,我惟有同入境署職員詐下型,佢好醒水話已經提左船公司稍遲開船,一定等埋.
二:由於係坐頭等位,係free seating,咁遲上到去當然係無晒連位,就即刻望住我...大佬,我同佢一齊上船,我點搵位俾佢...?我咪惟有叫佢地有位就坐,我自己一直企響度無位坐俾佢睇....
三:響船上不停同我講同我服務公司的經理級好熟,次次參加我地團有不滿都可以直接同經理講....可以直通天庭....
四:一點鐘食午飯,同我講:我d細佬唔慣咁早食飯....我登時心諗,我要了解左佢地的習慣先帶得團.
五:自己食完飯,去睇下佢地食成點,呢家人同我講有一個人唔舒服,已自行去左醫院...唔駛同我講聲先喎....
六:去到某一景點,導遊話留約一小時,登時全家人起哄話呢度無野睇,點留一小時,剩係嘈都嘈左三幾個字...一小時容乜易過.....
七:以上第六呢點我都承認導遊安排有失誤,惟有捉埋佢一便度一度跟住的行程,最後度出早少少食飯,睇完景點的表演再去睇另一個劇院式的表演
八:惟一滿意係話住過呢間酒店,都幾好....
九:第二日去浸溫泉,導遊話俾兩小時,呢家人話唔夠時間,兩個鐘唔得....如是者又係嘈左幾分鐘去,我惟有話:盡量把握時間喇,咁先趕晒佢地入去...
十:出返黎,仲係講緊話好趕,唔夠時間浸.....
呢家人真經典!
過左幾年我都仲記得呢家人.....
好多年前跟團去泰國又有個搞笑
中年男士,約五十多
導遊講一句話泰國的情況,佢即刻講返香港的情況係點
例如:
導遊話泰國有架空鐵路,但發展唔成熟,無乜人搭
男士:香港發展得好好喎,四通八達喎,一個大城市一定要鐵路做交通工具....
仲講得多過個導遊....
