我個妹本身大學畢業，做左野兩年幾，亦都學左初級日文
如果想去日本讀書進修日文，要做D咩?
大約要幾多錢? 因為想睇下屋企有無需要資助佢，或者資助佢幾多
住宿的問題又點解決? 係咪一定住宿舍?
同埋係咪好似可以邊讀邊做PART TIME?

唔好意思，好多問題，因為對日本的留學情況真係唔太清楚

去關東定關西？
目標係日文一級定二級？
去的時間？
好似４月開學，依家問時間D趕。

想去關東
我估都係AIM AT 二級
係咪只係得4月開學? 同埋一般讀幾耐?

唔該哂你....

一般讀半年至一年，通常是住學生宿舍
通常是４月及１０月開學
通常讀一年的４月入學讀半年的１０月學

關東生活費連學費平均一個月預２０萬日元左右

非常清楚，多謝你

咁留學生係咪可以做PART TIME幫補一下呢?
因為環境唔係太好
同埋宿舍的環境又點? D學生通常係邊D地方的人

其實你可以去問下X經之類既agent。

住宿方面，如果有學校宿舍住就梗係唔洗煩啦。
不過有可能你個妹想報既學校冇宿舍，又或者冇吉房。
如果係咁，學校可能會幫你介紹apartment，
唔幫你介紹既話，你就要自己搵屋租喇。

做part time你唔好咁期待。
首先響日本，留學生要做part time要申請許可證，通常要過三個月學校先會幫你申請，即係話頭三個月都唔洗諗可以做野賺錢（除非違法咁做啦）
而且你個妹只係讀左初級日文，即係聽同講都仲未掂啦，咁好難有人請。
所以我諗你都係預鬆d俾佢，到佢真係好彩搵到part time既話，咪當多左筆零用錢洗囉～

唔該哂
其實我都會搵agent，不過諗住在網上問多d資料先，做好準備
你地之前係咪都去過日本留學呢?
有咩最值得留意

我係而家響日本留學中，差唔多黎左五年，就黎修成正果喇

有乜值得留意...
揀學校既時候，留意下間學校既學生國籍比例
如果九成都係大陸人果d就梗係唔好揀啦！
好似有少部分學校係唔收大陸人既，不過我又覺得反而唔係咁好
因為黎到日本，有時同d大陸人打下交道都有d著數ga
總之最好就平均d，度度國家既學生都有～
（不過如果你through agent報，間學校可能都會有一堆香港人）

仲有就係，如果你個妹識煮野就最好啦
唔好諗住成日出街食，因為要花好多錢
自己煮既話就可以慳好多

你可以參考下JASSO既留學指南：
http://www.jasso.go.jp/study_j/sgtj_twn.html

好勁，5年
好似好少聽人講讀左咁耐，因為多數都係短期d

間學校太多香港人都唔係好事
我會同佢一齊睇清楚d
多謝哂你的幫忙呢

短期大學的認受性是不是和正常大學一樣?