今次旅程既目標係......懷舊之旅, 地點主力有3個, 就係廣州酒家, 畔溪同陶陶居, 咁 我都算幾成功嫁, 真係去勻晒呢3度食過下, 仲去埋海珠廣場望下而家既廣州賓館外貌, 算係咁啦, 亦知道邊度叫做一德路, 叫做有交特~ 下次呀, 下次......我會再去多的我兒時曾到既地方, 尋找細個既回憶





首先係度, 再多謝白茶既至尊推介, 叫左我去長壽路地鐵站既多寶酒店, 令我今次既行程, 省時就腳, 住得平宜舒服, 仲要的風味0岩我父母個下好, 多謝.....姐姐

以下, 係我呢幾十年, 未返過廣州既2日1夜短途測試遊 , 希望藉今次咁上一上去, 了解下現今既廣州, 睇下人地而家既潮點, 熱賣同當地市民的生活 (  有無咁多口水呀....... )
雖然我舊年都上過一次廣州, 但當時只係去到火車站就轉地鐵去體育西站, 然後就搭接駁車去左番禺的一角---星河灣酒店, 所以, 根本, 番禺係點, 廣州係點, 完全都唔清唔楚, 係叫做係體育西站食過2次飯咁大把, 今次唔同, 係主力同父母上去懷舊, 去下佢地以前去過既大酒家, 行下我亞媽以前細個住過既地方......西關 ( 車......都唔係關西......係就好啦...... .........).我亞媽係正宗香港出世, 後尾因為外公要上廣州幫手起鐵路, 當年佢好勁嫁, 據聞唔係工人, 而係工程師個類, 所以成個家庭連埋嫲姐, 一行唔知幾多人咁返上去廣州住, 然後就一路起鐵路, 一路樹圍去.....去到唔知咩曲江, 肇關, 呢的, 我細細個就聽過, 不過, 真係唔知邊度打邊度........今次上去, 亦都係至在同亞媽一路行下的街道, 睇下搵唔搵得返佢以前住個度...........佢話淨係記得龍津西路........點知, 我地上去到, 的地方都變晒, 係隱隱若若見到少少當年的舊樓...........,亞媽話, 以前好多巷, 好多大屋.....而家上去睇到既, 印象都好毛糊...........





2009年2月17日, 晴
因搵日不如撞日, 搵團不如唔報團, 就係咁, 星期一晚夜麻麻, 我地決定就咁一早上去廣州行下


父母炭完茶, 我地11點左右先係元朗出發(梗係啦, 查實係得我晏者 ) 去到深圳, 都12點多, 買左即班火車, 開12:30, 因為預左我地4個都會不停傾計, 今次都廢鬼事坐頭等, 一於係車度嘈鬥嘈  (又幾好既喎, 衰鬼, 邊有的座位分開坐者.......仲要係開左車, 都無乜人, 我地係音樂未停時, 又掉位, 執到靚一靚, 4個坐左排6位面對面連餐檯既位, 都幾唔錯)


唔係一夜無話, 而係..... 係車上未停過口, 話咁快, 就到左廣州火車站

一到步, 亞哥話我未食野, 要先醫肚, 就去左火車站間國產盜香..........稻.......穗香

超多油既虫草花燉水鴨湯
黎錯左既穿燶白紙燉魚頭

我叫唔知咩咩白果燉豬肚至真......又係咁多油 大佬呀, 飲湯定飲油?

家鄉雞.......真嫁, 餐牌係咁寫........
煮完都仲好堅挺既菜心 (你話點食呀)
好味豆付

食完飯, 我地無上天棚 , 反而落左地LONE去搭地鐵, 長壽站........................
因為, 我地今程既目的地係同亞媽去搵龍津西路, 要食勻畔溪, 陶陶居同廣州酒家, 所以, 我地根據特派情報員, 白茶姐姐提供既絕蜜線索, 知道有間, 多寶酒店, 所以, ..........






我地係火車站, 我都有埋去有間野度聽佢SELL 酒店, 佢講有間天雨添.(併音ar).........又係2百幾, 不過, 我亞哥猛話唔制, 話我識人介紹個間就個間, 唔好信火車站個的, 而且, 驚人車鬼左我地出去, 先打死狗講價(因為個女仔話有車車去酒店喎)

最終, 我地4個搭地鐵去到長壽路, 一上路面.......嘩, ......我好似個鄉下人咁, 呢度好熱鬧呀.......好似旺角咁, .搵左一陣, 行 左幾分鐘都唔見, 我亞哥當時都有噪, 話有的唔對路, 但係, 我就話無奶油既, 我個FD 講得10MINS, 就係10MINS, 至多行到20MINS 仲唔見先算啦.......
因為, 條路又係幾唔似有酒店;P 一路行, 見到街市 見到民居 跟住, 我話, 我行快的的, 有燈籠喎, 似啦, 似啦.............一再望........真係:smile_46:
推門入去, 嘩, COUNTER 咁既, 問下先, ,但係, 一路問, 我一路望, 咦, 埋面似樣的的喎, 好, 預左當我返鄉下個的旅館, " 誰怕誰" ...... 我地以前返鄉下, 床位大房都住過, 有咩問題先........
跟住同個姐姐仔傾完價, 佢開208, 實收我188喎, 咁我咪拉隊上去睇房囉, 我講明我望下的房掂唔掂先啦, 我未決定................
佢帶我上樓, 比我睇左個大床房, 158 懶平比我10蚊咁多啦......查實,  一早係網上我都知係實收158啦
再開多間大房, 咦, 都唔錯, 但係, 亞姐姐, 仲有無好的的? 我又多口問多句, 佢竟然話.......有呀...

唔好瘀樹影COUNTER 個2個姐姐仔, 佢查實一入門口, 右手邊有個COUNTER, 即係好似的細間旅行社咁呢, 就係前檯, 而家呢張相望埋去LIFT口, 個度無人嫁, 影相就好似幾正

即係呢度囉

環保丫嘛, 整個COUNTER 係出面玻璃門, 光猛的, 呢度? 咪就係得呢的燈囉, 要去住呢度既, 唔好真係預佢前檯似酒店呀, 不過, 都好

就地下LOBBY 牆身掛畫, 古色古香唔知呢幾個亞姐, 夜晚會唔會出黎幫手做下清潔既呢
我住3樓, 至高 .......5樓, 而且, 無4樓
上左樓, 又多件, 唔識分佢係男定女
一路成條走廊好鬼多呢的字畫, 令我老豆又感覺幾好喎

其實, 呢個時間, 我地睇左2間房, 一般啦, 未卜槌, 叫佢比多間黎睇下先(不過,  根本睇左個的房, 我地都OK嫁啦)

跟手, 亞姐姐仔比埋我睇呢間

嘩...........2張大床, 各4呎


而且, 床尾係比之前個的雙床房大一半, 呢間仲好喎




或者, 我黎講下啦, 咁既, 佢本來話雙床房, 208, 而家收我188, 因為,  我話係朋友介紹黎既, 叫佢要打.....個折比我,  
的雙床房, 一樣2張4呎床, 但係, 打開房面, 右邊就係廁所, 走廊位對埋, 就係書檯, 亦即係床尾, 即係由床頭到床尾, 10呎左右, 由門口埋到窗口, 20呎度, 但係我而家呢間, 右邊 一樣係廁所, 但係走廊就闊左好多, 亦即係床尾有6-8呎, 成間大左

咁點收費先? 佢話本來268, 而家今日見我咁有誠意 就即場減我30, 即係238, 如果我連住5日, 再打個窒比我 (佢話嫁)......又或者而家有我紀錄, 下次我再用我個牌頭, 即係回鄉咭去租房, 又打個窒比我喎 ........即係下次係208, 抵到爛啦

幾新淨嫁, 張床裖都幾好瞓, 算係咁, 我揭開黎睇過, 唔知乜牌


本來188一間個的, 我都預左要2間, 點知睇到呢間,  仲洗唸咩, 要呢間啦, 一來仲平, 238搞掂, 二來, 仲好, 一間過, 唔洗走黎走去, 4個好耐無一齊瞓, 一齊傾計, 而且, 佢一的都無唔比我地4個一間房, 當然.......落去辦手續比錢啦

就係咁, 2老就留返係房梳洗下, 我就同亞哥落去辨手續, 全程個姐姐仔好好人, 無亞之亞左, 亦都話呢間好好, 至大係呢隻型, 0岩我地啦

唔好意思呀嘿, 口水多過茶

係酒店安頓左, 我地就落去HI ...TEA , 點知老爸話梗係搵的地....茂...唔係, 係搵的地道既黎食喎, ......盲下盲下, 一時又唔記得個時抄人地話邊間銀記腸粉, 唔理啦, 求其入一間試下啦, 呢間個牌話老字號喎

發毛......我亞哥叫既 紅豆唔知乜春溝豆花嘩? 我都唔地除囉  

老豆就幾大都叫云吞麵喎

亞媽就叫什果冰.....無野嫁, 2張相差唔多, 比佢隻.....肉手.... 上下鏡者...... 佢唔知嫁
我就有理無你叫杯凍06先..... 頂......老襯呀, .... 咁細杯, 仲要無乜氣既......真係谷...鬼氣.....咦, 不過, 點解咁有0 檬味既? 一片咋喎, 又幾香喎


梗係叫返碟炸兩囉, 佢地個名好過引, 叫....炸面腸定唔知咩嫁.....
食左啖........ .........NOT MY FAVOUR........  ..........油炸鬼麻麻, 反而腸粉好少少, 但係, 配埋一齊.......都係......太多油.........


食完, 速逃.......再戰江湖




由酒店利返出黎, 上下九路, 又或者之前所講既長壽路地鐵站, 以我地全程龜速 1 波慢步, 10MINS 都可以到
出到黎路口, 前前後後左左右右都係一的地鐵, 成個東門咁, 好多條路, 不過, 真係一字型咁排開, 企定係KFC 個大牌下面, 轉右行, 一路行行行, 就係上下九.....我地當時行下九都行到腳軟, 好.......呢程既目的地, 係去睇下個唔知咩廣場, 老豆講左, 不過, 我唔記得, 然後, 晚飯既目的地, 係老豆以前去過既廣州酒家..........出發))))))))))






一行埋去, 就見到陶陶居, 蓮香樓, 直頭係之前舊年亞松SIR影個的, 好........我又多個印象


蓮香入面個舖，　都幾古色古香，　樓上食飯，　 選擇太多，　無係度食，　淨係買左少少野
通街都係呢的銅像，　似唔似而家話深圳扯住人買花的細路？
離遠望到十甫假日啦，　上次９月，　我ＢＯＯＫ左房，　終於無去到，　提早 取消左，　無比錢

呢幾張都係下九路所見既地標，相信好多朋友上過去廣州既，　都影過，　係度貼過，　但係，　呢幢住宅，　住樓上既，　係幾方便，　不過，　會否好嘈？
呢個又係而家大６必有既大屏幕
火車站旅行社介紹既 " 天雨大酒店"...原來位置都幾好, 不過, 無上去, 唔知的房點
  呢度成條巷都係食既, 咩都有, 東南西北台灣港式都有  手磨芝麻糊-- 麻麻地者.....我話



終於黎到..........
-----廣州酒家

因為去到都係6點左右, 唔太多人, 不過, 叫左餸都等一輪, 睇下呢籠咩先 按比例睇下喇呢兜農家咩濃湯浸蓮偶喎, 老豆話, 咩廣州呢度唔知咩咩地方, 最出名係蓮偶, 所以叫嘍, 不過, 真係超粉嫁, 0岩晒我---我講粉既蓮偶呀........ 呢兜係我亞哥至愛, 上親大6都會叫,  唔知咩咩淮山乜水煲, 入面係的新鮮淮山, 好似我地泥芋煲
灌湯餃 無料到又煲? 黃蟮煲仔飯, 都幾好味, 但黃蟮好細, 過得去....不過, 至正係有飯焦


以為得個招牌, 原來真係仲有戲院係度, 仲做劉華套新戲, 睇到幾錢, 而家忘了
海嘯, 10蚊, 唔知會否得左腳定右腳? 見到呢個女人...........

原來佢頭頂係全部用純銀造既帽定冠黎嫁 睇黎好重, 本來好想睇下的銀, 因為見有幾檔, 好似幾好樣, 但係亞哥猛叫行啦, 唔好睇 .....激死我


全賴GK 賢侄之前教買既............砍...........離..............................離.........離..........砂............
睇下我有幾多手信  左邊係我上次係筍崗落黎, 有間藥房個亞姐話呢隻牌子好喎, 朱士堂, 唔知係咪呢? 上次買比亞媽, 佢話唔識分, 今次再買過
前面3包就係砍離砂, 2蚊包, 原來有中藥成份, 遲的開黎用時, 睇下有無料到先
後面2包係小林制藥出嫁, 貼背門, 發熱既, 用黎舒緩肌肉, 33蚊, 入面3包, 即係右邊個3包, 下面個隻, 係亞媽成日買既, 細細塊, 佢話幾好喎, 1.5, 平過深圳少少喎

好野，有 包膠 睇.

畔溪.......原來比四洲買左, 而家根本係港式遊客酒樓
不過, 有假山, 有塘水, 有公園, 叫做好中國特式
公園門口有出九龍車票, 有關口落, 易常方便, 5兜野, 後生唔怕坐
仲有架巴士, 幾新, 可以去芳村個邊個......農...定魚........哦.... 花地呀.......

再前的, 有間西關酒家, 都幾靚裝修, 好多本地人同上左年紀既係度飲茶, 我短期內都會再去多次, 因為, 對面馬路都有仲有食檔, 拉晒旗擺明食在西關喎

好好睇呀!淨係酒店都咁詳盡
快D出埋食在廣州,好期待

一出門口, 轉右, 向前行到紅綠燈路口, 再轉右, 沿住成條龍津西路, 去到大路口, 向前望, 左邊馬路, 好多樹, 好多紅燈籠, 就係畔溪

門口再前少少, 就係幾間四洲開既零食物語

再前少少, 就係公園入口, 有間旅行社, 省港遊都有, 再過少少, 即係公園閘口另一邊, 有車票賣落香港, 即係上落都有飛賣

過埋呢度, 再行, 就係西關人家定世家, 即係另一間酒樓, 又係亭台樓閣個的新式中國款酒家, 再前就係....有個廟, 對面馬路就係另一的食府, 睇樣都唔差嫁, 另一間, 對住巴士站, 又係酒樓

謝謝分享,而家中國大陸D酒店,大部份都光淨企理,我睇節頭重有得傾潻,個個唔同,我試過中山D酒店拿過7拆,最少有8拆,妳下次去再傾吓,冇蝕底架.

好善慕有咁多時間去玩 ,我睇妳地寫D報告睇得好開心,清楚又祥細,好嘢