Dear All:

前幾日買咗部食物抽真空機，好好用呢~

農曆年買多咗海味雜貨，用唔曬可以用呢部機抽真空，可以防潮保鮮，咁可以延長食物保質期呢，平時買咗Ｄ果仁食唔曬，呢部機都幫到手呢~

哈哈~而家屋企已經抽到一包二包呢~ 我仲拍埋段抽真空短片呢~ 而家比條link大家睇先 ~ 點擊圖片可以瀏覽連結(連結內有詳盡資料，包括售賣地點及價格)

何師奶,我係你blog的擁躉,咁如果d袋用晒去邊度買?

掂呀掂呀！逢吉Ｘ島都有得賣呀？

又幾好玩喎

我都有用,真係即時見效,但一星期左右以開始有入氣情形出現,要再抽一次,如是者每過一段時間就要重做,不如宻實盒長遠

真係幾方便~
但我諗我好少機會用到

幾錢呀  

2006918:

咁奇怪? 我朋友佢冇呢個問題呢~ 所以佢先推介我買呢~ 係咪相同牌子呢?

有網友同我講，淘寶網都有得賣抽真空機，平成舊水，但我唔敢買呢~ 因為以前有過一個購物經驗，就係想當年我promotion counter買一部小型攪拌機，售$298韓國出品，勁好用+耐用，用差不多八年，到而家都仲用緊，但當年買呢部機冇幾耐，就發現大陸又出一模一樣貨式，但二百蚊都唔駛，當時好鬼氣頂，諗住老襯，我ｄ朋友笑鬼我，佢就買部外形同我部一樣攪拌機，結果．．．．不出一年，佢部機就燒摩打，我部機用八年，到而家都仲用緊呢~

有以上經驗，攪到有時相差一百幾十，我都唔敢搏呢~ 而家我呢部抽真空機有一年保養，香港代理，有問題都有得追，但去淘寶買另一款抽真空機，真係驚送到過有問題會好煩氣呢．．．．

無奈人一個:

售$238包兩個大袋十五個細袋，如唔夠用再買密實袋$30有兩大十小

好似好掂

ahlap:

唔好意思，差Ｄ覆漏咗你個留言呢~

佢話吉之島特賣場有得賣，但我而家仲有，所以冇問佢其他地方邊樹有得賣呢~ 我諗住用到咁上下先問個代理邊樹有得賣呢~