我想問...
成個缸14"...加個8"x6"左右莫斯沈木咁夠唔夠佢地繁殖!?
缸內有少燈魚同埋細琵琶~會唔會食哂d蝦bb?
同埋如果我唔落co2果d野...我又唔係泥底...
只係用碎石沙+生瑚底咁d莫斯會唔會生長唔到枯哂 / 一路路lun哂出黎最後得番個木?
因為未玩過草...泥底清楚又太煩...先唔用~

唔該大家幫幫手

搵人答下我唔該

最緊要係缸度有莫絲就夠,唔理佢有幾多~
而蝦唔會係草上繁殖,佢地係胎生,成蝦形先落地~
沙石底、無co2等對莫絲影響唔大,
莫絲好易種,但係無呢d野既情況下,
莫絲係抵受到個環境,但生長速度比其他既一定慢同無咁靚~
枯就未必枯~

想生蝦BB就唔好養咁多燈魚了，佢地一定食蝦BB的，一係密植水草俾位佢地呢埋

100條燈 算唔算多~?
我得10隻蝦~/...

講就講100條~睇落好少~都唔知有冇
係果間話賣18蚊100條果間賣~
d 魚 生猛搶食~唔錯~! 一條都冇死過

剛開始時，當然無問題，但時間一耐咗，對你的過濾會做成沉重負擔的，你兩三日先餵一餐，可能會好D，你想養魚定養蝦先，想養蝦及想佢地下一代平安成長，就要忍忍手唔好養咁多魚魚啦，我以前都好似你咁超超養過，但最後搞到勁爆藻，D草又死下死下咁，買魚係一種強力嘅毒藥，好難戒到甩呢鋪癮，我而家都係食緊美沙同當中

聽左你地咁講~分開啦~
魚還魚蝦還蝦~

琵琶食唔食蝦b  - -"?