我有個老死下個月10號結婚喇, 搵左我同班fd做兄弟,
其中做伴郎果個, 前2日屋企做完白事, 個師傅叫佢地一家人唔好去喜宴果d.
d人話白事撞紅事,紅事撞白事.白事撞白事.紅事撞紅事都唔好既!
但係我地大家真係好好好好既兄弟, 佢去唔到, 無論新郎, 伴郎自己, 定我地一班兄弟, 都會好唔開心!
相信大家都明, 結婚呢d人生大事, 如果一生人最好既朋友黎唔到一齊見證, 實在係終生遺憾呀!
所以我想問下, 究竟有冇咩辦法, 可以"化解"(唔知係咪咁叫),
總之可以令到佢去到呢次婚禮做兄弟, 而又唔會有咩唔好既後果呢??
請唔好叫佢唔去算數, 因為我地真係好希望齊人! 我只係想問, 有冇辦法, 請求有經驗人士/ 高人指點!

(本人有在其他版發問, 但因事態緊急, 請見諒! 不要當我貫水, 謝謝!)

一個月都未夠, 真係唔可以去,
比人知道左, 有乜野事, 只會怪佢,
你地問准D老人家, 佢地唔介意,
就可以.

無法la
呢個時候唔發生都發生左
而你朋友結婚係紅事,有白事係身既係唔應去出席.
你都唔好諗再去點解救la
唔係呢朋友去到,他朝有日人地有咩事就會賴落呢位朋友到la
係朋友既,等過後去食餐飯仲好la.

呢d野真係化解唔到架
要沖撞起來可以好大獲
唔係一個人有事咁簡單
分分鐘鐘係會影響到兩方面(白事同紅事)既家人架
唔講得笑架一定唔可以去紅事架

各位
岩岩確認左, 其實係個fd佢嫲嫲好多年前過左身架喇,
咁今次番大陸,係同佢嫲嫲做場法事,即係打齋,等佢好過d~
咁打齋係咪唔算白事??
但點解個師傅會叫佢"盡量"唔好去人地喜宴呢??

好! 多謝指教! 真係唔該晒呀