痛苦的家庭!這樣的父親!
我依家17歲，有一個哥，一個所謂大哥同一個所謂家姐
近來才知道仲有一個所謂ge妹
講到呢到，如果你有咁多兄弟姊妹，你係咪覺得好開心?
但係錯了，事情唔係想像ge咁好
我媽媽以前嫁了給爸，唔知道佢有一個老婆係大陸東X但我爸暪著我媽。後來生了我和哥哥。
之後，到我地三四歲個陣，爸可能因為經濟壓力，要養四個子女，又要隱瞞兩個老婆，好辛苦，
開始向我媽透露事實，但係我媽無介意到，我爸就帶我地兩兄弟返大陸比''大媽''養，生活開
支大大減低....而我係個時就識左大哥同家姐，後來過左幾年，我地又落返黎香港生活，但我
爸跟媽離左婚，我爸話賭錢輸哂d錢，養唔起我地。但係一直會同我地聯絡...於是我地三個人住。
後來我地三個人因事分開左，得返我一個住，半年前我返大陸，大媽講左比我知真相，原來爸爸一
早就已經拋低佢唔理佢同大哥同家姐，係東X又識左第三個女人，仲生埋個女，個女人
係妓女黎。爸爸一直都暪著大媽同我媽，直到大媽同家姐係大陸撞到爸拖住個女同個女人，
先揭發左出黎。我爸仲同大媽佢地講唔好講比細媽佢地知.....
我唔知點樣先可以表達到我ge感受.....係好難受，其實我呀爸每個月搵到萬幾銀，佢根本無賭錢，
佢用D錢供個女讀書，佢依家9歲，我都未見過佢，第三個女人同個妹見到大媽同家姐個陣都會吵
架得好利害，我覺得個妹好慘，要面對自己一個咁GE家庭，無啦啦個呀爸有三個老婆，又有兄弟
姊妹，但係唔係自己呀媽生 ...我覺得我有呢個呀爸好羞恥，佢成日都好大疑心，打電話黎想管我
係邊，有時就比下錢我，跟係住成日講，你始終都係我個仔，我會關心你GE....
但係我唔覺得佢比錢我就係真係關心我
有一排，我爸爸成日話，你依家高中生，成日讀書，我搵時間幫你裝修下間屋，之後我去搵師傅裝修，
好便宜，3000蚊，我爸好婉轉咁話咁貴...唔好叫師傅整LA，我好想搵人整，跟住佢竟然話，哦咁....好LA，
咁我比3000蚊你整LA，本來我有D錢係你GE讀書讀大學GE基金，依家我扣住3000先LO。但係D錢係佢GE...我
唔肯都無用，何況我讀到大學也不用靠你的錢。咁比佢扣LO，但係我睇穿左佢GE人格
真係好嬲，我自己一個住，有一日我唔舒服無返學，又無請假，我學校慣例會打電話比屋企人....之後我爸係夜晚打黎，講D普通野，食左飯未個D野.....跟住有少少猶豫咁問...你...今日有無返學AR?跟住我答 有呀做咩? 跟住佢好似一早預備左台詞咁，話無~ 呢排天氣凍，記住著多D衫LA .....
究竟佢係關心我，定係想試我?定係想點呀?
好難頂呀
佢依家拋低左大媽，我媽，同個女人同埋個女一齊，得閒就打個電話比我地，話關心我`，得閒又話屋企人出黎食餐飯，但係又唔肯比我地幾個家庭見面....
好難頂呀，佢咁樣係享齊人之福? 佢有無諗過仔女GE感受呀
