好煩!  唔想在公立醫院做, 但私院入院每樣計數, 埋單好貴, 是子宮內割瘤手術, 現仍考慮在九龍城的播X或聖xxx做, 因較近我家, 請問有冇sis知道那間較平? 同埋應帶些什麽日用物品, 可省些錢?

我11月都做咗個卵巢瘤手術,我同你想法都係一樣唔想响公立醫院做,結果去咗間半私家醫院度做,寶血醫院,價錢比起正常私家醫院平,但一分錢一分貨,嗰間醫院比較舊,人手又好似唔係好夠咁,响間病房裡面可以幾個鐘都無姑娘入嚟巡房,我覺得嗰度似間療養院多啲,不過算啦都係嗰句,一分錢一分貨

多謝回覆!

請問妳入院時要帶什麼用品呢? 可省多些$, 最後出院埋單要多少?

妳剛做完手術時, 可以吃東西嗎? 應吃些什麼? 聽人說要飲果皮水和益x多, 若冇果皮水只飲益x多, 可以嗎?

妳要住院多少天才出院呢?

嗰度係私家醫院要自己帶睡衣,入院時醫院有個禮包裡面有:面巾.牙刷.梳.洗頭水.沖涼液.潤膚液.牙籤.浴帽同紙巾一包.
如果只計醫院條數就$24000.
我做完手術頭兩日都唔可以落床,手術後第二日可以食流質,第三日可以食軟體流質食物,我頭兩日都係食粥,係呀,我都係飲果皮水,益x多我就唔知喎?
我住咗8日醫院,
你個手術要點做呀?決定咗做未?唔駛太擔心,有咩你可以問,我答到一定會答你.

真係幾平喎!  妳身體是否好weak, 要住8日咁多!  
我是卵巢割朱古力瘤ah!  本來在公院排左期過年前做, 現在己決定改在私院做la,  醫院姑娘話埋單預計要約5萬.  但預計只要住3-5日
出院. 希望只此一次, 因條數好大, 若真唔好彩是惡性瘤或日後再來一次  (大吉利是), 我都會改去公院做, 因真是負担唔起la !!

妳在家休息了幾耐? 是否不可拿重野? 要成日訓起度? 要食d 什麼?  妳要唔要成日番去覆診ah ? 有人話手術後可改看中醫調理或預防再發, 妳有試 ma?
sorry 我真是有好多問題ah ,

你去邊間做呀?$24000係未計醫生手術費同麻醉師咖,你係做微創定係開刀呀?
我住得比較遠,而且住院又唔係好貴所以想自己休息多幾日先出院($380一日)
我嗰個都係朱古力瘤size都幾大,所以個表皮傷口都有成4至5吋咁長,放心啦如果家族既人都未曾有過呢啲惡性瘤,機會唔會大,我之前都係咁,而且我仲做咗個驗血結果係(卵巢瘤指數好高,高幾佔倍) 個醫生仲安排咗個化驗師入手術室,即場化驗個瘤,如果個瘤惡性就要全部割晒,如果係良性就只係割一邊,結果係良性,所以你唔駛擔心.
我連入院一共放咗24日病假,响屋企都休息咗十幾日,係呀根本都攞唔到重野,有啲動作做唔到唔好勉強自己,一定要自己就住,又唔駛成日瞓可以行吓,等個傷口埋咗啲煲花膠湯飲,我主要覆咗兩次診,不過如果有咩問題當然都係要返去睇啦,我遲啲都要去照多一次超聲波,因為上次嚟完m之後,每日都仲有少少,所以個醫生叫我照吓,睇吓會唔會係生水泡.
我都有聽人咁講過不過我就諗住等個傷口康復晒先,
唔好咁講啦,我好明白你依家個心情,有好多野唔明,唔知點做,好無助,其實我同你講都唔可以幫到你啲咩,不過你真係唔駛太擔心,因為其實擔心都無用,你依家最緊要係平伏自己心情,保養好自己身體等做手術,加油呀