我阿媽從來都偏幫大細佬, 話佢性格自閉, 唔識照顧自己
其實佢係孤僻, 但唔係真自閉, 反而呢幾年開始似有思覺失調
成日屈我地鬧佢同害佢, 總之一餐飯都唔可以安安樂樂咁食
我媽知呢個問題, 只係唔想面對, 淨想我地就哂大細佬, 比佢鬧都唔出聲先叫好

如果佢真係病得咁緊要我地唔會同佢計
但實在佢係病得黎好識計數, 三十歲人有工返, 底底都仲要阿媽買, 家務亦唔會做
平時只係比果一千幾百家用, 做左野十年茶無請過我地飲過, 我地比錢佢就一定去
我未嫁時可以話同老豆撐起頭家, 偶爾失業一個月, 一食飯佢就單打話我波羅雞, 佢一年有半年無野做, 我都叫有份養佢
我地買樓, 個個拎哂錢出黎佢一個仙都無夾, 後來我地先知佢原來有成十萬saving無出聲.  
同我細細佬一間房, 晚晚半夜撩交嗌
有次我聽到佢同朋友講電話話間屋遲早係佢, 佢就真係傻得黎不知幾精, 想樓就我地供, 住就佢住
我同阿媽講, 佢當然唔信啦, 話我謀住層樓, 仲話我係女, 好女不論爺田地
我嫁時我媽只係比一對我, 我講笑話無啦, 佢好認真咁答: 你仲想要乜?!  你比左幾多屋企?
我真係好傷心, 買樓我有份出首期, 每月除家用外再拎多2000蚊返去供樓, 住間50尺房
因為個癈人關係, 頭2年無睇過電視, 一坐低佢就唔"斬"眼咁望住, 口up up鬧我痴線, 又大吵大鬧話我鬧佢
每晚都係外面食埋飯先敢返屋企, 一返屋企就入房, 非人生活
講電話唔敢大聲, 佢係門口偷聽, 我忍, 唔想阿媽喊
倒頭來, 我媽唔認同仲話我謀佢地

我嫁後細細佬搬去我間房先可以叫有覺好訓, 亦可以話避左佢
我細細佬仲係學生
上年我離婚, 真係無錢都唔想搬返去, 唔想再對住個癈人亦唔想令細細佬迫住搬返去同癈人一間房
幾辛苦都頂住自己租開住

早兩日同阿媽傾計, 原來阿媽叫細細佬申請公屋
我好嬲, 點解要我細細佬申請, 佢無入息
個癈人有入息又唔過額, 在情在理都應該佢去
細細佬搬走埋, 間屋就係個癈人, 我地根本唔會返去, 佢亦唔會比我地返去, 只要父母一走, 可能連鎖都換埋
阿媽當然又話唔會, 話我想到個細佬咁衰
咁我問阿媽, 做女的無得分, 咁你有兩個仔, 點解要個細的搬出去, 個大的就留低?
阿媽無答我

唔講層樓最終比邊個, 好實在就係如果個癈人申請到公屋搬出去, 我同細細佬就叫有個"鬥", 呢個亦係老豆當年買樓的原因
老豆話無論仔好女好, 自己家有個永久地方, 有事(講離婚失業等等)都有個地方住, 安心些
但係而家我地有事都無屋企返
我唔係要阿媽比層樓我, 只係理智地想, 佢一人搬出去, 我地幾個就可以好好了, 點解要犧牲幾個就一個?

好心淡...

叫你細細佬都坐低一齊同你媽媽傾啦
始終你細細佬又係仔，講都容易d

FILE夾唔好拉, 做人好一天又要過, 唔好一天又要過.

你講出黎一係件好事, 雖然你口口聲聲, 但証明你愛你家人, 因為你著緊.

相反, 你可以退一步想一想, 以上所寫是否一個成熟成年人所講呢?

好多人講, 呀媽唔好, 呀爸唔好. 下次再講尼個問題.

可能今天發生之大細佬問題在你身上, 你細佬和大細佬會見諒妳, 因為你大細佬有思覺失調, 你可以今想, 唔係去想今做, 祇是你大細佬有病, 有時病人自己所做的東西, 或對人反感, 連自己都唔知.

你想解決, 相信你年紀有限, 未必做到, 或會將問題加重及加深.
最好你先找個社工談談, 經過她們考慮和研究, 她們定必再派一些專門對於精神科的社工協助你和你家人.
如可以, 你仍可叫社工帶他或推介一些教會協助, 因為他最需要群體生活, 才知道與人相處之技巧與關係.

下次再講, 有事做.........

好多上一輩嘅人都係梗架喇.
長子係佢地心目中嘅地位係唔同架.
得罪D講句.你大細佬有今日.可能都係你阿媽縱出來嘅.

咁果位大細佬真係離譜得大西利

各位, 我真係唔係貪間屋, 層樓一早唔係寫我名, 住唔住我無所謂, 反正個癈人唔會走, 我亦唔會返去對住佢
你地可以想像到我果幾年點過嗎? 無電視睇, 無係屋企坐埋食過飯, 一千尺的樓我的範圍只得出入大門口, toilet, kitchen同自己間房.
其他地方唔好話行入去, 連望一望都會比人話我意圖攪佢的野, 賤人賤人咁鬧
我唔出聲自己就忍到返房嬲到喊, 仲要比個癈人係門口大聲話你唔係身有屎點會死埋入房唔出聲, 賤人 (當然係阿媽不在的時候講啦)
我出聲我阿媽就會話好辛苦呀, 點解個家咁呀, 點解會家無寧日, 我想死呀好頭痛, 跟住就喊
我阿媽, 明明見住件事發生, 我無鬧佢無攪過佢D野都唔會出聲証明我清白, 只會怨及叫我唔好駁佢

我想講我唔係怪阿媽亦唔係話佢唔好, 其他地方我媽媽係一個好好的媽媽黎, 只不過係大細佬問題上媽媽的做法令我好心淡.