我自己係乙型肝炎帶菌, 想買一份危疾保, 因為比較冇乙肝炎既人大機會有肝病, 所以想買返一份危疾, 但又聽講由先天性疾病帶出既病, 就算受你買份危疾都"唔會保果種病". 另外又有人話會受保 (包括埋肝既病), 但保費會貴d.

有冇人可以解答下, 究竟受唔受保 > (1) 乙型肝炎算唔算先天性疾病之一? (2) 乙型肝炎帶菌者, 如果將來有肝既危疾受唔受保?

唔該晒

咁要睇返你ge醫療報告先可以答到你的呢
乙型肝炎多數係後天的,危疾plan有機會唔受保所有同乙型肝炎有關ge病的,
因為e d係投保前已出現ge病
又或者好似你之後所講咁
加保費以換取危疾保障包埋同乙型肝炎相關的病

確實情況一定要睇過你ge醫療報告先可以決定的
如果你投保危疾plan ge話
保險公司應該會叫你去做一個body check先再去決定的呢

我曾經有個客只係加一倍保費，並無任何不保疾病

唔該晒, 其實我諗住買都主要係保肝既有關病..... 岩岩問過一個朋友, 佢都有乙肝, 亦係知道有乙肝後先買保險. 佢話佢果份所有肝病都受保, 因為佢買果時只係乙肝帶菌者, 而唔係乙肝"病人" (即係曾係因為乙肝而入院或接受治療). 佢叫我只要接受保險公司既驗血, 而結果係肝正常, 乙肝只係帶菌而肝功能現況完全正常, 根本同正常冇乙肝人受保情況一樣. 不過, 有可能俾人加保費.

唔該晒你地呀.

係我公司都係加保費的情況多..所以你投保o個時只要做返一個body check 便ok....
之前,我公司有個客佢前o個幾件有腎炎,我公司的醫療都係照保,都冇exclude...佢危疾都係加loading...所以你投保o個時,只要係身體正常便ok ...但一定要做body check