頭先開電腦想玩msn...發現入唔到..出現左呢個錯誤信息:

我們無法將你登入Windows Live Messenger  您的網際網絡連線可能發生問題  請確認電腦已連上網際網絡

錯誤代碼係80072efd

我好肯定自己係連左線...如果唔係我都出唔到呢個post..

仲有..我係上唔到 msn.com ... hotmail等等既網頁..其他都上到

我用第二部電腦登入msn...又冇問題..

係用而家呢部唔得...但係琴日都仲好地地...上網搵左好多方法..都唔得

連線設定上應打勾既地方我有打勾..唔應打勾既我都冇打勾...設定一切正常..

硬係登入唔到...

有冇人可以幫幫我???唔該晒

你係咪用和記呀? 如果係就同我一樣啦!! 我打左去和記問左, 佢地話一部份客有問題喎, 話最快今日攪掂, 唔知真定假喇, 我就等左四日, 唔知仲要等幾耐

如果你係用和記, 而 ip 係 113字頭, 咁就姐係中左招喇...

我都係用和記, ip 由 210 轉做 113 之後就有你呢種情況, 連續兩日打電話問佢地幾時會整好, 佢地都唔知~

我尋日打去問, 佢地話夜晚會整好...
網友今朝打去問, 佢地話聽日會整好...
我今日打去問, 佢地話唔知時會整好...

咁你諗諗佢地會幾時先整好...

果然真係113字頭...睇泥真係奶左野

明明前日仲好地地...

好多人都奶左嘢啦即係   :046: :046: :046:

唉... 點解和記咁搞呀... 超唔方便~

點解會由210轉左做113既?   有冇識既人可以解答到?

和記答話係隨機分配, 唉... 我唔要113呀!!!!!!!!!!!!!!!!!!!!!!!!!!!!!!!!!!!!!!!!!!!!!!

唔知係咪因為轉左做30mb而轉ip做113呢...

和記真係..最衰有約..唔係轉左好耐!!!

我上年十二月中轉30m 個ip 一路都係210字頭, 好地地冇事, 到左前日, 突然轉左做113, 之後就乜microsoft 既相關網都去唔到喇, 打比和記, 佢地成日都話跟緊, 但係就唔知幾時先會回復返...  

但係和記咁樣搞到上唔到某d網, 就算有約, 我都唔會再比錢囉...

我都係有約, 仲要係啱啱開始冇耐......

因此113 字頭係新制式 ，
同樣速度，210字頭會快一點
而且113 字頭很多router都用不到

其他網站有人證實左係因為hgc有一組ip比某個外國網站block晒, 而家用家無辦法解決, 要等hgc自己去搞