我﹑呀爸﹑呀媽﹑呀姨﹑表姐﹑表弟半個月前先喺美麗華度報名去韓國，
本來諗住好開心買左羽絨買哂鞋咁，
點知佢今日打比我呀媽話無機位，無得去！！
原來，我呀爸有個同事都係咁。

早排，果個同事喺美麗華報團，
乜錢都比哂，點知美麗華無啦啦打電話同佢講唔夠人，唔成團。
果個同事唔信，因為果個團去既地方幾熱門，無理由唔夠人既！
之後佢搵佢個朋友扮下野去問果個團有無位，
點知職員話有！
仲話：
呢個團好搶手呀，淨番幾個位咋，要報就快啦！
個同事聽到之後就勁嬲，
問佢：
同我地講就話唔夠人唔成團，依家其他人問就話得番幾個位？！
後來個經理出黎「解釋」：
係個電腦出錯，應該唔成團既，資料有誤……

依家淪到我一家，明明之前我呀媽都問過佢有無可能唔成團，職員仲話一定唔會，因為韓國多人去，咁依家呢？！
我地本身報果時團費四千幾，依家去到七千幾啦！！
擺明比貴飛人啦！！
我地淨係買裝備都用錢啦……依家先話無得去？！
無得去早出聲丫，依家買好哂野﹑用哂錢，仲有半個月就出發啦，先話無機位，
你地話佢過唔過份丫！

I tried to them three times last year but they cancel my trip  two times. I don't really them