大家都知路飛有霸氣，但霸氣係天生有既定係個個都學得既招？　路飛既霸氣萬中無一，但其他人例如娜美想學有無可能呢？　點樣先引發到霸氣出黎？　之前路飛打過咁多場，次次都就死咁濟，但都無話出過咁．係咪因為佢隻鈪咋？　話時話，之前果幾個７武海都無個識，吹脹．
係女人島睇到，將霸氣加落武器度，會令鋒利度增加，換言之攻擊力上升，仲有果條蛇用左霸氣後，可以看清對手之攻擊！？　難度將霸氣聚喺眼度會令眼力提升？．？　再加上霸氣係無形既，但係又可以控制到，例如用黎對付某幾個對手，但又唔傷到自己人咁．　唔識霸氣既人可唔可以扺擋到佢既攻擊？　如果唔得既話，２個勁人行埋唔洗打啦，剩係２個用霸氣好似啲粵語殘片咁鬥內功囉．
仲有個問題，之前卓洛用刀斬開到鉄，假設唔係把刀勁先啦，係佢聽到咩金屬既聲音定霸氣之故，同埋山治對皮鞋擋到卓洛把刀囉＝．＝．山治對鞋咩料做架．

講返霸氣，用於攻擊會令攻擊力上升，用於自身，自己既能力亦會提升？　可唔可以有霸氣千里眼，順風耳咁．　同埋用霸氣好似可以破到果實者之能力？唔肯定．．路飛呀爺鉄拳，擋光速腳果條友　點解可以破到能力者既能力？　小弟對內容唔係十分熟，可能講左啲低能野錯野，希望大家指正下

=.=' 海賊王咩野刀會發生..- - 路飛個呀爺充滿愛的拳先會打到he- -""

路飛個家族真係好鬼勁=口=  有D字既家族
黑胡子果條友都係有個D字
霸氣聽人講  好似係天生先有  但係唔係一出生就用到  要佢發生左d野 先得
我個人認為  有霸氣果d都係勁人

路飛個家族分左3樣
海軍 海賊 革命家
大約係咁

唉=____=
你連路飛家族d人點分都未識....
.
.
.
......
.
.
.
..
.
.
路飛家族入面  靜係分兩種人
一種係男人一種係女人
唔好搞錯                                                                                                                                                                                                                                                                               

山治對皮鞋擋到卓洛把刀囉＝．＝．山治對鞋咩料做架．

我鍾意呢句                                                                                                                                                                                                                                                                                

咁又唔一定波,你話佢用係隻眼到可以睇穿人地,咁天島個4大神官同埋雷神都識啦,佢地都未去過新世界