各位師兄
大家好,小弟會個人去成都玩一星期, 現想請教各大師兄,有冇咩行程提議以及要注意的事項, 因小弟都是第一次自已一個人去.
煩請各師兄幫忙

謝謝

本人之前在成都停留過幾天，不過成都內部無咩好野睇，周邊就好多。

成都市內可以去看錦里仿古街，晚上8點前有川戲睇。
錦里仿古街旁邊就係侯武寺…感覺有點呃錢...如果你喜歡三國的話不妨睇下0既~
杜甫草堂還可以，寬巷子同窄巷子就無謂啦~無野好睇﹗
(裡面有間旅舍叫"龍堂"，外觀唔錯，但似住係煙花之地咁~ )

建議﹕
早上到近郊的昭覺寺，少少地感受下藏傳佛教的氣氛。
中午再由昭覺寺乘車到廣漢的三星堆，晚上乘大巴/火車回成都。
(注意，三星堆將近關門時開始無車搭…我就從它他媽的後門鑽出來，沿河岸公路走了2小時路才回到市區﹗車都無得搭﹗)

早上乘車到樂山睇大佛(一共數個景區，行晒成個山可以行一日...)，晚上轉到娥媚渡宿，去娥媚青城等地再玩一天才回成都。

熊貓基地有熊貓bb睇﹗正

特別推薦﹕落帶古鎮﹗超正﹗真正的古城，四川的發源地﹗不是人人都會曉得去看的。入口大街約百五米遠，左邊的第一家客棧還有古色古香的雕花木床睡房可租，內有摸琴先搞笑﹗當地食物美味而且消費也平﹗

另外，唔知你有無book賓館，可以試下青年旅舍，又平又識到朋友，仲有旅遊查詢服務。推介"老舍"和"七號工廠"，非常不錯的。

ps.地震重災區雖已重開(如:都江堰)，但內裡的衛生條件仍很惡劣﹗我的北京記者朋友，入去採訪一日就成身出疹要徹退... 我睇到佢就痕... 如果你身體差少少，或者容易敏感之類，絕對不要前往﹗勉強要去請自備食水食物，不要接觸當地任何水源，著長衫長褲厚衣物，仲要噴多d蚊怕水...既然咁麻煩我都唔介紹比你啦~其他你自已發揮啦~

祝好運，開心~