首先要問下樓主係咪已經報左今年英文會考,
因為如果你係一般在職人士報返會考英文既話,而本身英文底子唔好,
你係呢4個月會追得好辛苦,如果你想上果D會考英文班既話,
坊間大多數都好少有為自修生既課程,一般只能靠去補習社上會考班(現代,英皇etc..),好多補習社都已經推出會考精讀班,
學既都係只係會學考試技巧,如果你有足夠既英文底子例如有足夠既生字,句子既結構知識,一般grammar知識,聽說讀寫都勉強可以
(勉強可以係指聽英文唔會百思不得其解,說話可以表達自己既心中意思,讀文章都可以知道大約想表達乜野,寫文章都可以表達到想寫既野但係唔夠暢順,無乜修飾)
如果你有以上條件,操多d有關會考英文科既passpaper,平時讀多d英文既讀物,最好讀考試局過往既paper,因為好多時會翻抄,要知道英文係一個語文,唔係一個科目,佢係要你日常多操練多使用先會純熟
但另一方面,如果你係未報會考既人,你其實唔一定要報會考,其實世界上有好多國際認可既英文文憑考試
雅司(IELTS)及托福(TOEFL)就係較為出名既國際認可文憑試,我prefer你考雅司多d,雅司比高考UE簡單,比會考難,
市面亦有專攻呢兩個文憑試既課程,據我所知現代好似係有得補。
一般公司都會接受你既雅司文憑,某些香港或者外國大學收生都會計算雅司英文既成績,要比人知道你英文係可以係ok既,唔一定要報返會考嫁!
最後都係叮囑果句,英文係一種語文多於一個學科,少用自然會生疏,多用就自會事半功倍,如果真係自修會考英文,距離仲有3個多月,有無可能就睇你有無比個心去浸同埋你有無以上既條件。
