最近轉左工，去左間私營公司做信貸部，人工都ok既，我住Tsuen Wan，荔枝角返工。呢度有七成人係老屎忽，工作量唔算大，而呢間公司既法定收工時間係09:00 – 19:00，唔洗點O.T，基本上可以準時閃人，但呢間野annual leave 只有七曰，做滿兩年以上按比例增加，最高十八曰(但要做夠十年)，而最PK係黑色暴雨都要返工。 Sick Leave只可放半日假，放一日既就有半日要扣錢 ，返長短週，每年過年會強制性屈你放兩日annual leave，變相一年只有五曰 annual leave only。加上我係新人，即係要2010年先會有 annual leave。

而大年初四我会去一間 bank second – in ，命中率九成，返5 day per week，假期肯定有 14 – 15 日，但工作量好似會幾勁，人工就多依家呢間一仟元，返尖沙咀。
但其實我有個大隱憂，因在之前間公司得罪左人而被炒，如去bank做面對 reference check 時會有麻煩 ，雖然我有應對辦法，但都係五五波。所以本身打算初四上去 in 時當”吸收經驗”罷了，但最近睇返我份工既市價，其實可以再 fight 多 三、四仟蚊，如果真係fight 到佢又請我既話，你地覺得我應唔應該去馬呢?

依家內心最大既爭扎係呢個時勢如果可以加三仟蚊人工有係万中無一，都唔知博唔博好。

但一來要second-in 時0係張form填多三、四仟，二來reference check先係最大問題，如果冇份工0係手就唔洗講啦 ，但有D擔心 quit 呢份而去 bank 再被 reference check 時變成”貪字得個貧” ，不過可以加到三仟既話即係進步左兩年，風險高回報高是也。咁如果只係多一仟你又博唔博呢?

衰極都係比人炒

冇計，因之前份工做左年幾兩年時被炒 ，當時封Termination Letter 唔見得人，
後來我試過 in 銀行RM 時自稱那兩年去左開花店，但被人以”冇接觸銀行”兩年為由壓價壓得好勁 。所以對上一份工去左間上市公司做，而佢又冇reference check 我，因銀行 reference check 通常 check 對上三間，所以要做夠”數”，先可以”洗底” 。但依家有個三仟元的引誘，真係唔知點。

你唔知以家d 公司好興in 人嗎
唔係我一個講
係其他forum 都有人咁講
d 公司想check 下以家d 市價係點
所以樓主唔好咁大祈望如呢份係請你既
咁梗係過la
魚唔過塘唔肥

搵的老死做 reference

睇你既情況，其實你可以 IN 左先再考慮...

至於多三千蚊，其實短期內係咪你考慮既原因呢？無錯三千蚊係幾吸引，但係以你既年紀，其實應該開始搵份穩定 D、內部晉升機會好 D、福利好 D 既工；就以呢幾點黎睇，你你而家做緊果份工好似唔係一個好好既依歸...

所以你而家份工，影響唔到既咪 IN 左先囉，騎牛搵馬個個都係咁家啦。同埋你做緊果份工做左幾耐，唔係通常頭一兩個月一兩個星期通知就可以走啦咩？

我係你就 in 咗先,如果佢請,到時再同依家公司講bye bye.最多比錢即刻走.

Bank interview 我send E-mail 去要求$37,000
佢比到，去in時填form我再寫到$39,000都仲叫我 second – in，依家初四上去想再寫到去$42,000

我覺得你再寫 $42,000............人地會覺得你好貪$$$  , 比人感覺好差, 尤其是做bank staff有d咁性格  , 小心未reference check已經out左.