筍工推介
筍工推介
如果閣下有志於運動零售業發展，而找尋全港都找不到工作，咁樣大*步鞋類超市就係你理想既就業既地方喇。
首先，係果度你一定可以學習到一個作為零售業店務員既智識，而且會加以重任，因為全店只有2人，佢又點會唔教你野呀。
你可能會諗自己食飯既時候咪就學唔到野囉。如果你擔心既係呢樣，你大可放心，因為佢係唔會比你出去食飯既，而且由於
全店得2個人，所以你食飯既時候係隨時都要做野既，咁又點會浪費時間呢。
其次，如果你身體唔好，咁你就更加要做喇。你問我點解?
好簡單，因為係大*步鞋類超市賣既都係斷碼鞋，當你D客人以為買到好野，而其實果D人唔單只有塵而且仲要係發左霉，仲要
成寸厚，到時你的工作就係要處理呢D手尾，所以做得多身體自然就會習慣喇。
第三，友情提示一下，如果閣下不是想做夠一個月的，我勸你都是做兼職好了，因為佢既人工係分成三份，而你既低薪就係少
得可憐既，所以在此奉勸一句，要做夠一個月啊。
第四，如果你已經轉左全職，咁就恭喜你喇，你將會面對既唔係會有幾多傭金，而係各識各樣既罰款，裡面有D咩同仲有D咩白
痴既規則呢，我就唔講喇因為係公司機密WOO，你做左就知架喇。
最後，你做完呢份工之後，再出去外面做，你就會發覺外面既世界係幾美好架喇。
*大步鞋類超市 歡迎你
