係08年尾話比好友知老公被裁.之後朋友只係e-mail問侯個一句.tel打嚟吹水都唔提老公野.09年我唔搵佢(email&tel)佢冇搵我.當得佢係好友先講.點知連下午茶或出嚟晚餐吹吓水都冇.朋友兩字.唔通真係好似老公咁講:有$就有朋友?好心淡.原來被裁要唔好揚!!!!

人地明知你老公被人裁左,
就更加唔想你地兩公婆洗錢
可能因為o甘而不找你們出外消費吧?
而且人地唔通下下都問你老公搵到野造未咩?
你地覺得無野姐, 但人地都唔好意思開口啦

我明唔好意思.但相識幾十年.唔搵我全家出嚟.可以單獨搵我出嚟講吓女人經姐.或者真係我多心咗囉.比著我.相反佢老公被裁.我會搵佢出嚟聽吓佢呻.鼓勵吓佢.食乜野唔重要.重要係要被朋友知.有事我會企係佢身邊.就算實際幫助唔大.若果我知原來反應係咁.我會揀唔講囉!!!!

你多心啫, 唔開心ge野唔好提好d

多謝你,可能我岐望大啦.諗住朋友會關心多吓!!!!

諗住最須要朋友關心時候.但朋友選擇當冇事.連見面相聚都冇埋!!!!

佢害怕你向佢借錢

我唔會問佢借 $!!!!

所謂朋友就係可有可無 你需要佢果時佢就唔出現 你唔需要佢果時佢就出現左!!!
不過你同佢做朋友 好似未免太簡單 所謂簡單就係你同佢太少接觸 通常多接觸 朋友先唔會離你很遠 否則佢愈行愈遠 終有一日你同佢既緣份就只會成為歷史...
你提到09年你唔搵佢 只係呢點 你已經等於同你個朋友走相反方向的路 簡單d講 你朋友向東行 你不但不向東行 反而向西行 當然你同佢既距離會變得更遠...
搵朋友不是單向的 唔一定要佢搵你 只要你心中還有佢 佢就應該多d搵佢嘛 仲有可能你太過敏感 女性係呢方向係比較偏向d 其實事情未必如你想象一樣的

多謝你意見