今日係零九年o既二月十三號
係今年o既一個黑色星期五
原來真係會有衰野架!!
今朝我老細一番到公司無耐
就叫我同阿姐(公司會計)
P.S. 我公司係超級蚊型公司 加埋老細得三個人
入到房我老細就即刻
對住我講 "
之前去拜太歲,你夠膽死唔去!!""
然後我對住佢解釋啦!
我話 :我唔知原來係果日,我以為係.........
佢 : 無得以為!!!!
(果時係放緊新年假,我果日番左大陸,唔係香港)
然後就話 公司依家出左少少問題 遲d "可能" (強調語氣)會有人上黎公司查野
你地話乜都唔知就得啦!!!
之後就叫我一個出番去出面先
靜番阿姐係入面,唔知同佢傾乜?
成個過程佢都冇正式交代過究竟發生左乜野問題?
不過我個人o既猜測可能係盤數上面出左問題,
唔知佢之前搞過d乜野?
然後我坐番o係自己o既位度,o念番我老細o岩o岩對我講果句說話
話我唔去拜神
"
咁佢係咪想話我犯太歲,成公司人都有去拜神,得我一個冇去,
我黑仔連累公司出事丫"????
終於臨放工前,証實左我o既o念法係o岩!!
佢: 你快d搵日去拜番太歲,
我: 好啊! 搵日去啦!
佢: 唔係搵日,係即刻去! (我心o念: 係咪真係咁驚啊?!" )
佢:
有時d野真係唔到你唔信,快d去啦! 唔好影響公司啊!!!
我:........................................
P.S. 佢係個已經六十歲o既阿叔, 每逢初一十五就會係公司拜神,
係擺個盤係度燒野果隻,搞到勁大煙!!
公司又有個神位每朝都要幫佢裝香
簡單d講, 迷信佬一個!!!
我真係無野好講啊!!!! :046: :028: :028:
在此奉勸各位今年犯太歲o既朋友,想保住飯碗,快d去還神,
免得落得我如此下場,比人話影衰公司,仲可能會比人錫走
我依家真係有少少心灰意冷!!
唔鐘意呢份工,一直都未決定到走唔走
依家咁樣比佢講
我想走o既想法又再多幾成
