你重要嗎？

裁員聲不絕....

同股票市場一樣，大量打工仔的價格在職場大牛市中被炒至天價，人工(股價)同職級(PE)都大幅拋離應有價值(在金融業內最普遍)。

現在職場上最常談論的已不是如何上位、如果升職加薪。職場中人在10月起的熱門話題是如果避免被公司開刀裁員、減薪、幾時同點交人等等。咱們面對的，是在公司內的生存問題....

如果你在好景之時的打底工夫做得好，早早建立起自己的人脈網，在公司內擔當著無可替待的角色，大口仔要恭喜您，因為你在金融海嘯下仍然可以訓得安樂、做得安心，無需日日活在打爛飯碗的陰霾下。相反，若你自己在公司內可有可無，或公司可以輕易找到替代你的人，那大口仔勸你最好還是學幾招防身術自保較好。

事實上，大口仔相信大部分打工仔都屬於可有可無一族，唔係話大家無能力，但呢個世界確係無話無左邊個唔得，預防勝於治療永遠都無錯的，不如一齊探討下"如何在金融海嘯下職場自保"仲好啦！

要重溫大口仔之前的"談職場心得"文章，請到 - http://tabodiary.blogspot.com

大口仔你都係'阿頭'(仲要係金融機構)  , 今次有冇要你交人呀?!

無錯.
上面要交人.
交得你一定有因.
公司要 cut 人. 佢地都唔想.
有邊個想無風起浪.

好多野都係要睇平日. 唔係一朝一日既

生日快樂@大口BB

自您呱呱落地的一刻開始....

世界變得不同了....

我變得更重要了....

生日快樂！

大口仔筆記 - http://tabodiary.blogspot.com

十萬個多謝！

十萬個多謝！

感謝各方好友對大口仔一家的真摰祝福，大口老婆恢復得好好，大口BB身體亦算健康，母子平安。

聽日出院喇，大口老婆話係另一個長期作戰的開始！哈~

今晚有時間會出文....

大口仔筆記 - http://tabodiary.blogspot.com

金融海嘯下如何保住飯碗

金融海嘯下人人自危，之前一篇文問大家覺得自己對公司有幾重要，得出的結論係"呢個世界無話無左邊個唔得"....

啱丫！係無話無左邊個唔得，但要推人落海總有先後之分，鐵達尼沉船都總有生還者！避免自己成為第一、二波裁員目標係大家於金融海嘯中的首要任務。

點做？

好可惜，冰封三尺非一日之寒，如果你不幸成為公司的第一波下崗對象，你之前一定做落一些令上司睇唔過眼的事。未必一定係你問題，你可能好見義勇為地在"不適當的場合"以"不適當的方法"提出"絕對正確的意見"，你的意見雖然非常正確，但場合及方法錯了亦都可以置你於死地。

事後你仲以為自己好英明神武，老闆要多謝你都黎唔切，但Sorry！老闆並唔係咁諗....

由於第一波下崗對象多已反魂乏術，而且大口仔亦相信第一波的裁員潮已過，重點反而應放在第二波裁員潮上，個人估計高峰期將在農曆新年前後。如果大家聽得入耳，請盡量做到以下幾點：

1. 返工同食飯時間盡量遵守公司規則
2. 避免請過多病假(小小頭暈、肚痛就請一日假？)
3. 公司團體活動要盡量參加
4. 有機會參與公司各項計劃要盡量做，唔好怕蝕底，最好主動提出參與
5. 有關裁員的敏感話題，請不要主動與人討論，甚至不要參與
6. 在逆市中要表現出恰當的樂觀，不要因氣氛不好而放慢工作進度

上述係中短期措施，可以幫助大家在一班表現差不多的同事中保住飯碗，不過如果你之前有其他致命的死因出現過，咁真係神仙難夠，做足以上六點都無用....

下一篇講金融海嘯下的如果保障自己及家人的生活。

大口仔筆記 - http://tabodiary.blogspot.com

金融海嘯下如何保障生活

大口仔希望大家無借貸投資....

已多次重申自己對借貸投資的立場，即使你借入的錢全部買入大藍籌如匯控、中人壽或中移動都好，我的取態係完全不要借錢投資。

在現市況下，投資市場環境惡劣得不得了，若你早前借入私貸、信用卡或稅務貸款而買入股票，即使股票如何優質，當中的心理壓力不是大部分人可以想像的，若再加上不幸被公司裁員，持股又無息派，你說怎麼辦？

不借貸投資係金融海嘯下保障生活的第一誡條，其他準備工夫大口仔總結如下：

1. 為家庭保留最少能應付一年必要開支的現金
2. 必要開支 = 食飯錢、學費、供樓錢、管理費、水、電、煤等等費用，其他如月供股票、供保險、請工人、食餐好或每個月的個人消費不算必要開支
3. 重新審閱保單條款，留意有冇失業免供保障，必要時可唔可以停供一年但保留現金價值
4. 盡早減少一切不必要的開支，如旅行、買車、買名牌等行為，慳得一蚊得一蚊
5. 如手頭現金不足夠一年必要開支，請考慮減低投資組合以達至上述要求
6. 無論幾樂觀都好，要有被裁員的心理準備，若有依賴公司提供福利的打工仔(如按揭及醫療福利)，宜盡早準備一旦被裁員後的安排

唔怕一萬，至怕萬一，大口仔知道好多人都非常自信，投資眼光了得，所以不怕借錢投資、不怕做"月光族"，但如果你同大口仔一樣係凡人一個，有家庭兼仔細老婆嫩，準備工夫仲係做足點比較好。

大口仔筆記 - http://tabodiary.blogspot.com

祝聖誕快樂

今日係平安夜兼大口仔牛一，今年係大口仔一家三口過的第一個聖誕節，大口仔除了希望一家人健健康康同開開心心過節外，亦趁此祝各位讀者有一個愉快的聖誕節！

股票理財？通氣....遲下先講啦！

大口仔筆記 - http://tabodiary.blogspot.com/

聖誕交叉blog之《三則聖誕寓言》

三百年前有個小女孩，愛穿紅披肩, 大家都稱她"小紅帽"。那年平安夜，小紅帽到森林裡探望外婆, 途中被大灰狼一口吃掉了(！) (咁快???) 之後大灰狼發現自己還未吃飽, 連忙趕到外婆家，一口把外婆吃掉了。吃飽的大灰狼躺在床上想睡覺，卻被突如其來的肚痛折磨得生不如死, 忍不住跑到河邊，嘔吐大作，把外婆和小紅帽原封不動地吐出來(！) 小紅帽和外婆得救了，大灰狼也從此不敢再暴飲暴食了。

三百年前有個牧童每天到山上放羊。由於覺得很悶很無聊，他時常跑到山下唱衰大灰狼(？) 訛稱牠吃掉自己的羊云云。謠言傳到大灰狼耳邊, 使牠非常生氣， 決定要找牧童算帳。那年聖誕節，大灰狼來到山上，看見牧童的羊群就二話不說先吃掉三幾隻，吃不完就用自備麻包袋打包，帶回去給狼媽狼爸享用。結果牧童損失好慘重，再也不敢亂講是非了。


三百年前有個貧窮的豬家庭。大豬, 二豬和小豬都長大了，但豬媽媽沒有錢幫牠們買屋置業，只好叫牠們出去省城(!!!)碰運氣。大豬在路上遇到一個富商, 馬上向富商募捐, 籌得首期。二豬也遇到同一位富商, 牠留在富商身邊工作，每月取得固定工資。小豬同樣遇到那位富商，並將身上僅有的衣物都送給他，請求富商收他為徒，教牠做生意。那年boxing day，大灰狼入城。大豬找不到善長人翁, 房子早就斷供了, 流落街頭, 被大灰狼吃掉了。二豬的工資全都用來供樓，足襟見肘，沒有錢吃飯結果餓暈在街頭，也被大灰狼吃掉了。小豬學會做生意後，憑著富商的幫忙賺了很多錢，還買了一棟別墅，一次過付清，安居樂業。

故事講完, 生活仍要繼續。
三百年後嘅今日，祝各位有個平安的平安夜，快樂的聖誕節，豐足的boxing day!

-------------------------------------------------------------------------------------

想知作者係邊個？請看留言....

同場加映：聖誕交叉扑之《三個人的快樂聖誕》，感謝計數佬花版位刊出大口仔劣作。

大口仔筆記 - http://tabodiary.blogspot.com

2008年的得與失 (社會篇)

由天堂跌落地獄的感覺係點？

2008年尾你走到街上問一問香港人，最好係一個做銀行的香港人你就會知道得好清楚。

2007年尾大家都期待住2008年第一季的豐厚花紅，2008年的大難卻已悄悄來臨，2007年曾特首說香港會迎來新黃金年代，2008年卻"現眼報"，未來10-20年的香港會點呢？大口仔眼裡只覺越來越模糊....

當大口仔打開報章、打開電視全都充斥住反智的新聞。議員們為了選票為民請命得過了火，造就了一大批輸打贏要的香港人不停向政府拎著數。香港政府不單浪費了大量時間與議員周旋，更浪費了香港獨有的競爭力不停向中央政府拎著數，政府向市民、中央向港府提供援助，普遍得到的反應係...."唔夠"！大佬，大口仔想問下係咪"老馮"要俾架？

最大的問題係，全香港的市民都好似唔覺得呢種情況係一個問題，有能力的人又懶得出聲 (信報除外)，咁落去，香港唔沉淪有鬼？

2003年SARS，經濟差的時候香港人還懂互相幫助、體諒及逆境自強，2008年？我看到的只有人踩人、互相批評及唯恐天下不亂！

2009年，香港真係會更美好咩？

大口仔筆記 - http://tabodiary.blogspot.com