各位千奇唔好去大快活食野！(有相)

頭先去左大快活食晚飯，叫左咕嚕肉、紅燒豬軟骨同埋一個排骨鐵板炒麵，先講下之前果兩樣，兩個都唔熱o既，而且d咕嚕肉好細粒，而紅燒豬軟骨就完全唔入味，d骨又唔軟，枝竹就好似膠咁，咬唔到o既！本來以為個鐵板炒麵會好少少，完來唔係，個鐵板炒麵唔熱，唔夠汁，搞到d面硬到乜咁，而且最離譜係我食完之後，先發現個鐵板底同幾隻角都生哂鏽，用手同紙巾一抹就甩鏽漬出黎，雖然我食哂，但到當堂打左個突，即刻搵個經理黎投訴，之後佢到算好，道歉之餘亦到退番個鐵板炒麵o既錢比我，不過經過今次之後真係對大快活無哂信心，真係難怪佢無乜人食，希望各位如果係去大快活食鐵板餐o既話就留意下同小心，我e+到唔知食左幾多鐵鏽落肚...