有冇人試過結左婚對其他人有Feel？

我快三十了，結左婚五年，有個女兩歲。

同老婆關係不算好，欠缺共鳴，經常吵架，有時都會想自己當初是否太單純揀錯左對象......

公司有個女同事，年紀和我相若，她是我理想中的那杯茶。我和她共事三年了，其實一直也不算熟，我總是有意無意地避開她，因為我知道她對我太吸引了。 她單身沒拍拖，脾氣不好總是拒人於千里之外，不過對我真是很不錯。聽說她以前不是這樣的，幾年前同男友分手後變成咁，係迫自己，壓抑自己變成咁。其實我知道她想法其實很單純，生活圈子狹窄而枯燥，更是一個和我一樣，多愁善感的雙魚座。

最近，我知道她很想再拍拖。

奇怪的思想就在這時候出現在我的腦中，我經常想，如果我未結婚，我和她真是很match，可以講係絕配，我絕對比到佢需要既愛情同幸福。

如果我未結婚!

當然唔會有任何事情發生，我都好希望佢盡快搵到個好男人，因為，如果佢繼續單身孤獨，佢年紀唔細實在好浪費。我呢一年睇住佢一日比一日枯萎憔悴，我個心真係好難受。更難受既係，我會經常問自己，點解命運會咁安排？點解我唔係遇到佢先？

當然冇得後悔，我唔係唔愛自己老婆，那是血脈相連的感情 (愛情的提鍊？)我更加愛我的女兒，即使比我揀多次，我都唔可以冇左佢。

所以只有兩個字 - 無奈。

可能你地會話，我結左婚仲咁多野諗，正一賤男，不過我而家先知道，愛情的感覺實在難以控制。

祝各位情人節快樂!

你當初單純與否,甚至鬼遮眼娶左你現任老婆兼同佢生個女...個人並不清楚
但如果你30歲依然某程度上地仰賴星座作為評估指標而本身還不覺有問題...
你現在單純...頗肯定既事...
60億人只分得24種...12星座的男或女...
有些少邏輯性既人都唔會將呢種咁兒戲既分類法搬到認真既感情問題上...
------------------------------
你喜歡你同事既出發點純粹從男人角色出發...
男喜歡女...天公地道...
但你似乎未分清男人同老公角色...將"男人鍾意女同事"投入到"老公亦鍾意女同事"...
亦證明你對你擁有既一段婚姻並不算太投入...

先不論係你老婆經常性無理吵鬧
抑或你打從心底就已經唔投入你自己曾經親身同意既婚姻...
造就成今日你對你同事有好感並幾乎大於家庭呢一點...
你要明白既係
一旦
你成為一個丈夫,甚至父親
就已經對一個家庭有一份不可推卸既責任...
除非你認為你個人既感覺可以凌駕於對伴侶兒女既責任,甚至伴侶兒女既幸福同感受...
唔係唔可以,畢竟自由社會倡導自由婚姻...重新選擇並不存在大問題...
只說明你係以自己感受為先既人...
而愛情/責任...你有...但一定唔係第一位...

多謝，真心的。你的回覆是當頭棒喝。

我不敢多想的自己的人格缺點： 自己感受為先既人

已經解答左點解我有咁既困惑 唉......

無地自容了，我會好好想想作為丈夫、父親的責任。

但是最難的，是如何重新投入這段婚姻。

VERY GOODDDDDDDDDDDD

2 樓的朋友非常有見地, 回覆更是一針見血. 其中的部份都是我想講既, 不過我想回覆樓主, 你既成了父親, 丈夫. 就需要負上責任, 人既一生本來就充滿誘惑, 亦有無數既慾望. 你敢說當你擁有了 "她" 就滿足 ?
既然你有了一個家庭就要珍惜, 唔好到左失去時才懂後悔

希望樓主可以繼續把持得住啦..^^
一家人相處互相忍讓互相體諒好重要, 屋企入面每個成員都好重要, 缺一不可, 凡事都由自己做起, 以身作則, 你太太應該都能夠感受到而作出回應..

樓主,如果你珍惜你選擇既婚姻同家庭..就好好同你老婆溝通下..
將你既感受話比佢聽..或者你老婆其實都有同樣感覺只不過好似你咁唔敢同你講..有時維繫1段感情單單靠愛情係唔夠..仲需要溝通同諒解..如果連溝通咁簡單都做唔到..莫講話愛情..友情都維繫唔到吧??
就趁1年1度既情人節..好好同你老婆慶祝1下..比1點小驚喜佢..然段同佢好好傾訴1下...
祝你情人節快樂..同家人越來越幸福

先不論你同你老婆, 定係你同女同事夾d, 一段感情/婚姻, 若是本身有問題, 例如性格, 價值觀, 生活習慣不同, 去到最後.... 無論一齊時間多長都擋不著問題.

所以, 問題係你同你老婆依家既關係, 唔係邊個女同事/第三者/ 會出現

珍惜定係放棄你要自己衡量.