30 12
發新話題
打印

我的愛情故事–我的最愛前半生

報到先報到先

christine一話好想睇你就即刻做野,又真係幾有效率bor
用字冇咁優雅既人要小心!

TOP

好似唔錯.../.
支持一下吧^^"

TOP

今次我個故事叫做我的最愛前半生,係我上一部故事既女主角,問過我一個問題?邊個係我的最愛?當時我地手拖手,我沉默了一回。然後比左個回應:<我拖緊手上既眼前人,就係我的最愛。因為我曾經係回憶出現過既人我已經捉不住;留不到。係已經虛無縹緲!一d都唔實在。我已經無法再去觸摸同埋感受佢既體溫。但係眼前手拖緊既人,佢既體溫、心跳,還有對我既感覺,先至係實實在在。先至係真正要我付出同埋用力去關心既人。依d先就係我的最愛。>
而今集故事,係紀錄我感情路上既前半部。我稱為前半生。所以,我改了依次既個故事名稱:我的最愛前半生。而仍然將 <我的愛情故事>為頭。目的係對我偶像既作品一份既尊崇,沒有<我的愛情故事、想跟大家分享一下> ,佢既影響力到今日仍然甚深。所以我沿用返。

係完成我的愛情故事 – 我遇見了她後。收到不少電郵和私人訊息! 談及不同既感情事,很榮幸得到大家既信任。我渴想分享一部感情失敗錄。特別呈上係感情路上經驗緊黑暗、灰心既人。人世間一定要讓我們經歷四季和時節。感情路上亦好似春夏秋冬和日與夜。無論處身任何一個階段。你經驗緊寒冬,也有一天會經驗炎夏。或者處身黑暗中,有一天你也一樣會經驗到日出既來臨。但係無論任何既階段,人生也是不停既循環。當今天你是失去,就是擁有既開始。今天能夠擁有,也是失去既開始。我地無時無刻要提醒自己,今天能夠擁有一切,真係唔係應份。同樣今天你失去了很多。要謹記住自己依一份感受。當再次擁有時,你就會更加用力去留住。上一次寫了一部由心而發既故事,今次也會一樣,我預知反應未必會有上一次叫好。但不要緊,今次我反而重視知音有幾多。作為一位故事既分享者,最開心係有知音和共嗚,但願我既故事,經歷可以祝福到生命中素未謀面的每一個朋友。再一次相信:Love Is Strong。

而最後,故事節奏無好似上次咁快,渴望各路朋友比d耐心去欣賞。因為今次故事主線跟上次唔同。但係係第一部作品出現過既人,包括我三兄弟、阿靜等等。同時間亦會多一d我生命唔同階段既朋友。希望暫時放下Christine。用另一個角度去細膩今次依個故事。把我的過去,價值觀同埋重要既回憶一一咁同大家再一次用文字和大家去分享。

希望大家再次能夠感受,我的愛情故事。

Fm :Wind
2009年1月27日(年初二) 至1月30 日(年初五)                                                                                                                                                                                               

TOP

Not bad not bad

TOP

我的愛情故事 – 我的最愛前半生


夜深人靜,整個空間,你只能聽到你既呼吸聲,仲有鬧鐘既滴搭滴搭聲。我整個人不能入睡。就按一下鬧鐘既小燈。
時間係清晨既三點鐘,唯有起身去”針”一杯水,然後安躺係自己家既窗。看一看街外既景色。雖然我不想去睡,但係眼睛
開始有少少疲倦。近視既我試圖去咪起雙眼。去看一個沒有車輛,沒有遊人既街外。卻只見一支支既燈灯,橙黃色既街灯照射住沒有人既街中,還有遠處一座座屋村既白色走廊灯。白橙配搭,令人迷醉。而晚上既陣陣微涼既風。吹向面上,份外
使人悽涼。突然間令人迷醉既景色,令到欣賞之人覺得孤苦伶仃。從一種欣賞,變成一種討厭!想不到,剎那份感覺突然間
話變就變。我帶著失落既心情,嘗試去再次入睡。但仍然無法去入入睡時,腦海中好似洗衣機咁,天璇地轉。或者七上八落,令到我整個人憾入一種、兩種、無限種既不安中。心呼吸、又再次心呼吸。成功地對抗到我,使我不能入睡。終於坐起身。
然後把枕頭放起,背脊埃向後,整個人係一個漆黑之中,被黑暗包圍。我定眼望住被眠”被”蓋住彎曲既”失頭”。腦海好像有一部投影機咁閃起一D無諗過既片段。我想返起一個既機場。聽到一把女子既聲音,叮囑我~

Christine:<記住你要訓晏覺! 唔記呀!>
我:<點點頭>

依句話係佢臨入閘時,叮囑我。我落笑左一下,同自己講:

<或者,依一日我真係好聽話咁訓左我晏教,導致左我失眠。>

我眼光光咁攬住自己既”失頭哥”好失落咁回味緊佢依一把溫暖既聲音。雙眼既淚痕好似火車路軌沿路咁流到我既”被”鋪,係我不能夠控制住。晚上既黑暗氣氛更令我好似一位無聲既朋友咁。陪同我一齊去哭。結果我雙眼累得終於睡著了……

第二天早上,我仍然是放假中。我訓到約十一時,我眼睛好痛,或者係陽光射入我既眼匡中。同時間,由於保持彎曲中既姿勢!令到我好似一個風濕病既老人咁。腰酸背痛,可能我既年歲年年漸長,根骨亦無咁靈活。我走落床去梳洗時,當腳肘去掂一掂地時,仲有少少失足,好彩自己體重夠輕。所以,好快扶住咁走入厠所。然後就開水刷牙,但係過程中,係彎腰漱口時,我感到脊骨痛楚既訊號! 我唯有要企直身去漱口。當吐出來時,我就好迅速就彎腰去吐。我頓時去想,依d係唔係未老先衰既表現呢?但係我都係百分百既年青人! 我好快迅地就完成,仲我走到出去床,收拾自己張梳化床。電話就響起~

                                                                                                                                                                                                                                                                                                                                                                                                                                                                                                                                                       

TOP

係得既你
及時行樂

TOP

我:<喂~~>
Christine:<醒左啦! >
我:<嗯~
Christine:<執緊床呀?>
我:<你點知架?>
Christine:<我係你屋企裝左個CAM 嘛?>
我:<仲諗住帶人返來訓添……原來我收到嚴密既監視!>
Christine:<我男朋友唔會既~ 嘻~>
我:<(低頭微笑) 我琴晚岩岩識左個Mary 係我隔離,要唔要叫佢聽?>
Christine:<哈~ 好呀!>
我:<(扮女人聲) 我從今以後要叫你做姐姐,我已經係Wind Wind 既人~>
Christine:<依~好老吐呀你…>
我:<(眼濕濕) 為左你,幾老吐我都願! 我好掛住你~>
(電話傳來一陣嗦嗦聲)
Christine:<(眼濕濕) 我都係~一個人係度好辛苦! 我成晚無訓~>
我:<唔可以咁架喎! 我琴晚同你講完電話立即上床訓,立即訓著。因為我唔想你擔心囉。>
Christine:<我一個人訓,你有Mary陪你梗係開心啦~>.<)
我:<區區一個Mary邊度得。係因為有你把聲先至令我昏昏欲睡。>
Christine:<即係同我講電話好眼訓啦?>
我:<(令令頭) 唔係! 我唔可以聽唔到你把聲,只要我有生命就好去聽呀!^^>
Christine:<算你啦~>
我:<一陣你去邊呀!>
Christine:<未知,老闆話今晚約埋D同事一齊食個晚飯先。可能知道我係香港人人生路不熟啦! 早D介紹D同事我識。>
我:<(微笑) 太好啦~ 你有時間真係要識多D 朋友呀!>
Christine:<你唔怕有人追我咩~>
我:<哈哈~~ 唔怕呀! 佢地係追你,我係追到你嘛!>
Christine:<幾時變得咁自信架?>
我:<唔係自信,係對你有信心。>
Christine:<嘻~ 咁我都要自信D先,因為我男朋友令我有信心!>
我:<乜我比到你信心你咩?>
Christine:<係呀~ 你咁既外型,同埋樣貌真係好難搵女朋友。係我先揀你渣。>
我:<哈哈哈~ 你鬼馬呀!>
Christine:<唔傾住呀! 夜D搵你呀~ TAKE CARE!>
我:<你都係呀!>

唔知點解講完依個電話後,我就立即無乜事。我真係開朗左。我立即走去開電腦! 想SEND 一個EMAIL 比Christine。係睇Email 既同時,去Check下有咩野Email。竟然睇到一封來自一位夜校同學既請柬,我雖然岩岩同女朋友分離。但係收到佢一份邀請,我依一刻倍感榮幸。一個已經沒有聯絡既朋友,竟然會記得我既名字。還想我去見證佢重要既一刻。但令一方便我亦有少少失落感,並唔係因為妒忌,又或者女朋友離開左身邊而令到我唔開心,係歲月不留人。我望向抬上既全家幅,原來我不是小朋友啦,係一位要自立既成年人。或者我應該要為自己既家人滿足。或者我應該要為自己可以咩起頭而興奮。我並唔係覺得依D係問題?而係覺得我要告別我既回憶去承接住我未來要負起既照顧別人既任務。依一刻,係電腦枱既我,側側頭閉起雙眼,想起好耐好耐既回憶。依D既回憶其實係發生左好耐。但係好似琴日既事咁。處身現在,去乘坐時光機咁,返返去我讀書既時期。
仲聽到班主任叫我個叫~                                                                                                                                                                                                                                                                                                                                                                                                                                                                                                                                                       

TOP

洪老師 :<Wind 同學…>
我:<係~>
洪老師:<出來攞成績表。>
(從自己坐位步行出去)
我:<(接過成績表,望一望後,再望一望洪老師)>
洪老師:< Wind~(微笑)我知道你盡左好大既努力,今年學校要換血,只收80人讀中四。還有10個學額。要比運動叻既學生。你全級92。我幫唔你入中四呀!>
我:<(失望、眼濕濕) 嗯~>

我步行返埋位,估唔到爭少少就係爭少少。我內心真係有少少怒氣同埋怨學校既無情。我由一個成績低劣既學生,能夠打入全級頭100。點解會咁對待我?我係小息後,走落去禮堂入面去望一望聯招,發現了VTC 既汽車課程取錄左我,我有少少好似攞返個安慰獎。我仍然好唔開心,畢竟我最想既係原校升讀。所以被淘汰既滋味係唔好受。我從二樓禮堂走向地下既小食部。突然有人拍我。

Rachel :<喂~ 你考成點呀?>
我:<吓(內心有少少面紅、畢竟佢係我個班係最靚) 唔得呀!(無奈)>
Rachel:<吓~ 咁點算?>
我:<VTC 收左我呀,咪入VTC 囉! >
Rachel:<讀D咩架?>
我:<唔知喎,屋企人幫我報既。>
Rachel:<不如同學校講叫佢比你讀啦,你真係有條件升喎。>
我:<算啦…依到咁無情,好巴閉咩!>.< >
Rachel:<哈~頂你唔順!>
我:<你點呀?讀唔讀到呀?>
Rachel:<(UP 頭) OK 呀!>
我:<恭喜你啦~>

講左一陣,Racheal 既男朋友同埋佢成班朋友都埋晒來。我靜俏俏咁走開。因為我係班到除了外型,還有口才都唔係好識氹人,所以我都係偏向靜。當時算係一個電車男。而我記得,依一段話係我同Rachel最後一次講既一返話。係我中三時,一直暗暗傾慕既一個女仔。亦對佢依份傾慕埋藏住。如果我話唔捨得學校,我覺得最唔捨得既係Rachel。因為我今次除了要同學校既關係要完結之外,還可能今後同Rachel係一個徹底既斷絶。我記得離開中學門口個一刻時,對學校揮了一下手。其實當時我只係幻想同Rachel揮手,希望同佢後會有期。雖然只係一種自我安慰,年少既我又點會咁容易接受呢?我每行二十至三十步,都會望返返轉頭,望住依一幢白色既建築物,腦海除了我短短三年既片段一下一下閃過,還有Rachel殘留既影像係我腦海出現。我唔識點去解釋,亦未能夠運用言語去表達。我沒有嘆息、也沒有任何既動作。只係一步一步咁離開左我既校園、還有Rachel。


(待續)                                                                                                                                                                                                                                                                                                                                                                                                                                                                                                                                                       

TOP

辛苦晒大家要再次睇咁多字啦!
希望大家持續既俾面,因為今次會分享得比上次慢少少。
但願你地每一晚入來為我打打氣。

畢竟我都係一個新人,係需要各位朋友俾面同埋鼓勵!
希望大家可以持續為我依一個網路分享人打打氣。

祝大家牛年快樂!

Thankssssssssssssssss

FM : Wind                                                                                                                                                                                                                                                                                                                                                                                                                                                                                                                                                       

TOP

suppp~ 支持新POST !!                                                                                                                                                                                                                                                                                                                                                                                                                                                                                                                                                       

TOP

support you wind!!!                                                                                                                                                                                               

TOP

我係近排先開始睇你D作品~真係好感人~
我冇諗過世界上有你呢D咁好的男仔~希望你可以同CHRISTINE白頭到老~
支持你的新POST^^"

TOP

有新post,一定要支持wind兄                                                                                                                                                                                               

TOP

上次個POST冇支持到
今次點都要支持一下

TOP

報到報到>v<

加油加油!!                                                                                                                                                                                                                                                                                                                                                                                                                                                                                                                                                       

TOP

 30 12
發新話題