本身有用開綿條, 特別係最後個幾日, 得個少少費事用衛生巾,
但頭先條繩唔見左, 拎唔返出黎, 即刻去睇婦科, 個醫生幫我睇過話冇,
佢話可能係我大意唔小心跌左, 但我唔放心又走去急症室睇,
醫生幫我睇過又話冇, 佢話可能真係我自己唔小心跌左或放得唔準唔入,
所以跌左出黎自己都唔知,  但成舊野跌出黎自己都會feel到架嘛,
冇可能咁大舊野跌出黎一d感覺都冇,
而且跌出黎實會係條褲度架嘛, 但我又完全搵唔返條屍骸,
佢話如果我再唔放心既可以搵多個醫生睇,
我諗會唔會係塞得入得滯唔知塞左去邊,
我而家好擔心, 可以點做呀?
使唔使去照d咩超聲波之類?

會唔會係你中途去廁所個時已經趺左落廁所到﹖

雖然睇過兩個醫生都話冇事,
但呢兩日都覺得個肚好似唔係幾舒服咁,
成日心掛掛, 講真點會連條屍駭都搵唔返架,
今朝終於走去照X光, 發現冇事,
先至安心返, 但我諗黎諗去都諗唔到幾時跌左出黎

一定係插得唔夠入....一插咗入去, 冇可能去跌出嚟架

我以前就係擔心有咁ga情況發生
驚塊棉游下游下越游越入
所以以後唔敢用
再加上抽出黎果黎感覺
唔太鐘意

我阿媽都試過你一模一樣情況，當時醫生又係話無
醫生話陰道一眼就望晒，無就無
事隔成年，我媽仍好地地