我月經成日都唔準..
有時隔成半年都唔黎一次..
有時又1,2個月就黎..
我想問有冇sis keep住日日都食一羹燕窩?
我聽人地講食燕窩好似有效~
我諗緊買燕窩食好定係買"補氣養血寶"食好~
有冇sis 試過其中一樣ar?

我由11月開始日日食燕窩.都有3個月喇.
但係我又唔見得有咩改善.或者皮膚真係好咗少少嘅.

你呢個情況最好就係問下醫生.問題可大可小的.

我身體唔好, 我媽就會一日一羹燕窩
對月經冇幫助, 但係個人會精神少少
燕窩主要係蛋白質

我建議你睇下醫生好WOR, 隔咁耐先一次
咁已經係唔正常
月經多過3個月唔黎就已經係停經喇

我都試過咁, 西醫CHECK過冇事,
俾通經藥食
唔敢食通經藥, 怕食左, 下一次唔黎
就走去睇中醫, 慢慢調理下身體, 等佢自己黎返


要補氣補血就煲藥材湯飲啦,
我試過一連飲4日, 一日一碗
個人舒服左好多, 精神好好多
之後個人冇乜精神就飲喇

補氣養血寶?
未聽過呀
養陰丸/ 白鳳丸聽過

多謝你建議ar..
我之前都有得閒就睇下中e咁...
但係可能因為搵唔岩中e..
所以無一個keep住長睇..
想問你煲咩藥材湯飲?
我都想試下...

咁睇黎好似真係無咩幫助到呢方面ge野...
我有諗過睇西醫..
但好似唔太好咁..
但係又遇唔到一個岩ge中醫喎>"<
呢個問題都煩左我好多年...
近呢一年仲好似愈來愈嚴重..
都唔知點算好..

我今年20歲..
我由14歲左右開始黎m..
但係唔準得好誇張...
但係以前都keep住會係3,4個月黎一次~
我媽話可能係季經..
但係近呢1,2年..
開始愈來愈誇張...最犀利成7,8個月我走去睇中e...
飲左2次藥先黎..
今次距離上次都5個月la...

我想問咁你依家個水瘤點ar?
如果搵家計會睇...
可以點做??
唔該哂你幫我ar

咁都黎左6年WOR
應該會愈來愈穩定先岩呀
半年先一次真係好誇呀
咁中醫話你咩事?

你以上網CHECK, 家計會有熱線係幫助女仔做檢查呀
你可以打電話去BOOK
如果CHECK左佢話你冇事, 就應該會俾通經藥你食
但係我建議你搵個好中醫調理下身體

我個水瘤好少事, 食左藥, 冇左,
不過半年前又生返咁, 今次就走去睇中醫
荷爾蒙呢D野都係搵中醫好D