成日有人問人5甲會唔會傷甲..唔敢keep住做甲..因為怕傷甲...如果你有呢d問題既話..你可以睇下以下;

正常黎講..大家做法唔同..但大致上只為為2種做法..為左令大家更容易明白..有d不必要既部份就會略去↓
做法1:先"拉"好個甲型..俗稱透明gel既底..意思係拉好左個型....
之後就上色..然後查一層透明既gel....
之後潔甲...修甲型...即磨你喜歡既甲型..然後查top完成!!
呢個方法係顏色擺係面..而你下次refill時..只會磨走你面d色..再補番你新生出黎個d甲...而唔會掂到你d真指甲..咁就唔會有愈做愈薄呢個情況出現

做法2."查"左1-2層gel後..直接上色..跟住先做甲型..然後打磨.....跟住查top完成*
呢個方法做甲好快..慳水慳力..只係下次refill時就會煩d...有掛磨都未磨得走d色....問題就係呢度喇..因為d色好接近真甲..而你每次refill既時候就會磨到你d真指甲..人地話做gel愈做愈薄就係咁黎喇~

當然都有人用第3種方法啦..但呢種方法比較煩..將d色夾係中間黎..詳細就唔講啦...e+只係澄清大家對美甲既一d謬誤
點解我要強調個拉字呢..就係因為拉一層係會厚過你查2層^^

有人會問:
1."做gel傷唔傷甲架?"
如果用既係大陸gel..我答你會*
大陸gel冇品質檢定..你唔知佢整d咩上你手..長期d甲係會黃同易斷...有dgel同真甲離左..入左水你唔知會發霉..有d綠色既霉菌係入面...!!
如果用既係美國gel/日本gel..日本gel我就唔太清楚..呢個問題就唔會發生..因為美國gel係要有個叫品質檢定出可以出口..正式流入市面...呢個係品質既保證~
2."做gel會唔會透唔到氣架?"
唔會..指甲冇毛孔..係唔需要抖氣.....
因為指甲一生出黎已經係死左..同你d頭髮一樣..所以你剪頭髮唔會痛架嘛~
反而..指甲油就要..因為指甲油入面有一種化學成份叫"丙同"會令指甲變黃及脆弱~

打左好耐..大家比比面睇完講下野啦

入黎支持下謝謝講解

我都支持下先,我都勁鍾意做甲,以前油開甲油攪到d甲好鬼黃,自從做左甲之後,而家生出黎d甲甲顏色係粉紅

支持!!!!
果兩條問題我同d fd講過九千八百萬次都冇人信我
你去d平既整梗係傷甲啦,個"師傅"有冇學過都唔知
我知道都係因為我上網做左好多"功課",癈事咩都唔識比人呃嘛,
加上我去過賣書既地方見到有指甲書又睇一餐,
有d指甲書都有寫呢d資料架...

支持!!!XN 我勁討厭人地問我做gel會唔會傷甲,真係好煩.

yeah yeah...
支持!!!!
thx^^

正呀可兒~~~~
唔洗再比人問長問短...叫佢睇你呢篇就搞掂啦

我之前出去做gel甲..我跟個個美甲師做過幾次甲, 一路都冇問題... 但就唔知點解有一次d指甲變左綠色, 我番到去佢鋪頭問佢, 佢都話唔知點解, 跟住自己上網查, 先知道原來自己d指甲發霉~ 之後剪哂佢, 新出個d就冇問題喇~ 但係個次都嚇死我!

個次之後, 我冇再去揾美甲師做甲, 轉移自己同自己做甲算喇~ 起碼自己做都知道自己用咩料~

出去做我唔係話所有美甲師, 只係有d無良既美甲師, 話自己用明牌子, 但我覺得, 佢可以個樽用明牌, 但內裏可能係一d 大陸gel, 真係可以暪天過海架~

完全同意 !!!!!!

支持下先!!!!

我同意你講[係因為拉一層係會厚過你查2層^^]
出面好多自認美甲師諗住慳gel,唔會攞多d gel去拉個甲形出黎,
只係搽兩三層倒轉頭講咁整會薄d自然d,
佢地跟本唔明白做到靚嘅甲型對一對gel nail嘅重要性！！

大家明白就好