我係女仔,1.51米,而家126磅左右,
我大約2年前有成173磅@_@,勁肥!
之後斷斷續續咁減肥,減左3次,每次2個月左右,瘦到而家126磅,但仍須努力!!!!
我減肥既時間分別係07年既5月至7月,08年既6月至7月,同08年既10月至12月,
方法係早餐食麥皮加生菜加火腿,午餐&晚餐食烏冬or麵線,唔落味精只落少少雞粉,
有時晚餐唔食飯,但勁食菜+少少肉+生果,
生果會o係正餐之間食,通常係蘋果,火龍果,較少食橙,香蕉
有時會飲脫脂奶,,低脂都有飲but少d,1日飲10杯水左右,
夏天仲會差唔多日日跑步,冬天一個星期3,4日啦...
其實我算係瘦得快既人,通常開姑減肥既頭20日一定已經減左10-12磅
但之後就會開始慢少少,一慢我就開始頹,搞到成日停左,食返野 = =
最慘我係勁鍾意食飯!!!!!!!!!!!救命!自從上年12月頭停左唔減直至今年新年完左,無特別食多左野只係食多左飯同新年食左少少朱古力,就肥返5,6磅,
但我今個月10號開始減返,又減返3,4磅la!
所以希望肥緊或減完肥返既sis唔好氣餒,努力!
不過我想向大家求救,我下肚腩同pat pat,仲有大脾好肥 = =
中圍特別肥胖!!!唔知點算...仲有我上面無乜肉,顯得身型好怪!!
我而家個pat pat都仲差唔多有37,38吋,肚腩d肉又好鬆,都有成35,36吋,大脾仲有22吋,小腿都成15吋!!
omg!我都成日做運動ga啵!但瘦得最多都只係胃腩果part!有咩方法瘦到肚腩,pat同大脾呢??
小腿都唔理住,但pat pat真係勁大,同我而家上身既比例好唔岩!help!

點解你要斷斷續續甘減呢~~
要有恆心呀~一口氣減曬佢呀麻!

你點做運動?? 邊類型運動. 有冇度過body fat?

咁...我諗你要去美容院啦- - 勁唔平衡 好難減 ....使唔使我介紹 係既就搵我啦  (我想見下你XD).....

如果d肉鬆~~不如去做gym or swimming啦~收返個身型~~~

如果唔係~就要做機啦~(當魚最好唔好晒錢啦)

我反而覺得最難減係胃腩果part wo...
我好耐以前都試過食小D野黎減肥,但果時我減到既反而係其他地方囉,都算OK平均...但就減得好慢同埋淨係個胃腩減極都冇反應...

行樓梯修hip~ 我而家日日都行几層樓,來來回回咁做20分鐘+ 20 分鐘跑步
飯-你揀五瞉米(多d fiber), 食飯前先飲"巳去油"的湯飽2-3成, 再食 半-1 磅 飯(糙米/五瞉米) + 菜 或   白肉+ 菜

斷斷續續減係因為一減耐左就會慢,之後就無心情減
我做運動係慢跑~跑40分鐘左右,中途唔會停~大概跑5公里!
行樓梯我都試過,無跑步咁辛苦~而且都減到,but我好怕後樓梯既恐怖感覺,
以前有人陪我行,而家無人陪唔敢行
我諗住減到正常磅數,再睇下身型有無勁唔平衝先,因為我係學生,無能力去美容院ga><"
就算真係勁唔平衡,我諗我都只會從運動同食野方面搞返掂!
but thz all of u!