轉貼: snookerzone.com.hk

溫布萊大師賽決賽，奧蘇利雲以10-8擊敗衛冕冠軍沙比，第四次奪得大師賽冠軍。 對賽往績方面，上季全英賽四強，奧蘇利雲對沙比的決勝局打出147制勝。而在威爾斯公開賽沙比就在決賽反勝奧蘇利雲奪得個人職業排名賽首冠。本賽季超級聯賽，二人在小組賽3-3打和，但在決賽中沙比卻被奧蘇利雲輕取7-2。 　　 第一局兩位球手都顯得比較謹慎，在沙比兩次進攻得12度後，奧蘇利雲打進中袋紅波之後以一cue68度。而沙比想以snooker拉近比數，但奧蘇利雲打入枱上最後一個紅波，1-0領先。 第二局，奧蘇利雲一改進攻作風，以防守靜待機會。其後奧蘇利雲取得71度剛好超分並再次防守，最後以88-0取得2-0的領先。 第三局，在奧蘇利雲兩次救波失誤後，沙比得到機會打出一cue82度扳回一局1-2。 第四局，奧蘇利雲打出一cue101度，這是他在溫布萊打出的第43次過百。3-1帶著兩局領先進入中場休息。 第五局，奧蘇利雲雖然以54-37領先。但在啡波階段沙比先彈咕再彈向遠枱袋口的啡波撞入並完成清枱，59-54險勝一局，2-3。 第六局，沙比先以防守令奧蘇利雲救波失誤而罰分後，趁勢打出一cue74度再扳一局，3-3追成平手。 第七局，沙比將白波貼到去綠波前面，奧蘇利雲救波時球杆不慎碰到綠波被罰分。沙比連得50度取得58-21領先後，奧蘇利雲又在追分過程中未能較到最後一個紅波而斷分，還以40-67落後。沙比打入黃波，奧蘇利雲打入綠波後，奧蘇利雲最終未能做出snooker而放棄，被沙比反超前為4-3。 上半場最後一局，沙比的snooker令到奧蘇利雲用了將近四分鐘的時間去想一想。奧蘇利雲成功解到，卻留下機會被沙比打了53度。16-58落後的奧蘇利雲獲得上枱機會，並打出一cue71度清枱，雙方在上半場前八局4-4握手言和。 下半場比賽開始。第九局，本已經62-23超分的沙比卻在防守中白波跌袋並緊接著救波犯規送分，奧蘇利雲進攻最後一個紅波時雖然打失，但紅波卻幸運地流落上方尾袋。靠著這個幸運球，奧蘇利雲一cue清台，63-62險勝領先5-4。 不過第十局沙比運氣不錯，遠台搏入紅波同時白波差些跌袋之下，打出一cue101度。 第11局，已經被追成5-5的奧蘇利雲又遇上一段小插曲。當奧蘇利雲準備救波時被一隻飛蟲“滋擾”，其後卻還是救失，而沙比也很快就打出93度，6-5再次領先。 第12局，奧蘇利雲只打出19度選擇防守下，沙比隨即再打出114度過百，將優勢擴大至兩局，7-5。 第13局，奧蘇利雲打出53和16度，69-9扳回一局。第14局，奧蘇利雲又是在27-65落後的情況下清枱，以70-65將總分扳成平手7-7。 接著奧蘇利雲打出一cue110度以8-7領先後，沙比也打出70度令二人再次打和8-8。 第17局，奧蘇利雲打出精彩反勝。當16-50落後時，枱上僅剩了一個紅波。奧蘇利雲用兩cue來完成清台，以51-50反勝，9-8先到直路階段。 第18局，雙方連續兩次選擇僵局重開，然而第三次開波後，二人先後取得16度後，沙比一球搏失將枱上的波打散，奧蘇利雲毫不猶豫打出55度，以71-16贏得制勝局，10-8擊敗沙比，第四次在溫布萊高舉大師賽冠軍。 在大師賽的歷史中，亨特利是目前無人能及的六冠王，在他之下還有科本、戴維斯、已故的保羅-亨特和奧蘇利雲奪得過三次冠軍。此次奪冠後，奧蘇利雲已經是溫布萊的四冠王，成為了繼亨特利之外在大師賽奪冠次數第二多球手。 在捧盃的同時，奧蘇利雲將獲得15萬英鎊的巨額獎金，而亞軍沙比也得到7萬5千英鎊，打出一cue140度的希堅斯除了有3萬2千英鎊的四強獎金之外，還有1萬英鎊的一棒最高度數獎。

琴晚邊睇邊錄頭一節8局.下一節4:00AM.訓la.今日番睇. so哥用新cue都神一樣攞冠軍  thx..師兄.資料

昨晚我全部睇晒,我覺得奧蘇打得好差,跟本都發揮唔到70%水準,都巳經冇早一年時的power,不過每對手見親佢就好似見到鬼咁,自動玩完,沙比巳經算好了,不過睇得出見到奧蘇都係有Ｄ緊張,發揮唔倒自已,如果唔係,現時奧蘇肯定輸硬比佢！

我淨係睇左上半場..oso尋晚應該入既波pot唔入..
防守有時又做得唔太好..留左chance俾沙比...

多謝師兄詳細文字報導告

唔知係佢支Cue未夠適應定係張枱既問題...好多時d位都好似差d...
不過有好多Cue就真係離晒譜...尤其係第二節一開頭2舖...
居然2個都係打十零廿分就甩...
我以為佢直播緊唔知邊間波樓...
老實講.香港好多都打得好過佢地...
不過唔知點解今次個場館真係好嘈...d人成日亂叫...
點解又唔請佢地出場架呢?

今日第二節場波打到差唔多八點到
我返學要返八點二.......但係返到學校起碼15分鐘.......
所以我認為作左一個明智既抉擇........
我決定左睇完奧蘇拎冠軍,捧埋盃,食埋早餐,再打多陣機,先返學
遲到算數...最後我既決定岩左...奧蘇拎到冠軍,遲多兩日比人鬧有咩所謂
最可惜既係上次英國錦標賽marco又係打到8點,為左佢遲到,可惜拎唔到冠軍