大家唔駛抬舉我ge,不過講柔軟度,一個冇練開26歲人仔真係好難講lor ...我相信樓主應該之前未學過武 , 因為衰D講,如果有學武ge,邊度有空手道學你只要問是但一個有玩武術ge師兄都答到,又何需上黎問呢? 雖知樓主只係問空手道,係最common 最入門最公開ge武術,佢唔係問八極拳,唔係問劈掛,唔係問合氣...而且衰D講,玩左武術咁多年, 其實無論玩咩國術,一定有一兩個師兄弟玩過空手道(我自己去過幾個地方玩,度度都有人帶藝投師lor),所以我可以話,樓主多數係初學...
如果初學,有一樣問題係好緊要,就係柔軟度...講真,我以前柔軟度算ok ,冇練一排都實左,你話可以操,都啱ge,但係講真,好困難..雖然話空手道算係好D..
第二我所謂ge骨頭重,其實係指相對肌力唔足以support 佢出拳,好易整傷..26歲係一個好尷尬ge年齡...簡單化咁講..中國人玩武術有度好,講肌力,亦講內力, 肌力比內力強,如果夾硬打出十足ge肌力,內力唔夠,就會內傷..內力比肌力強,如果內力用盡,肌力support唔到, 就傷肌肉... 例如你內力有70斤,肌力有100斤,如果你出一拳係70斤ge,咁就冇野la,如果你出100斤力,你唔係出唔到,不過,你身體就受左30斤力..好多人唔知,夾硬練,自然傷肺
又例如你肌力有70斤,你內力有100斤,同樣你出70斤力ge拳,冇問題,但你身體可以出到100斤,你可以從吸氣,身體ge協調,出到100斤力,但你肌肉受唔到..輕ge,肌肉拉傷,重少少肌肉拉斷,重ge可以幾嚴重,呢樣就講到中醫講ge血氣流動,自氣滯之類,可以長手尾..
講左咁多,樓主26歲有咩問題呢,26歲係肌肉開始走下坡而內氣較熟ge年紀,你話佢唔夠氣又唔係,佢可以去得好足,但亦可以係不足,因為正正係內力唔係初生,亦唔係好成熟ge狀態,係剛剛完成ge狀態,但如果身體唔練過,內力同肌力ge協調係好大問題,一係,就內力發得強而傷肉..一係,就內力不足傷肺, 26係好易有呢樣野..如果少少,少少咁傷,你一過40歲就開始黎料,問題 係,點解後生同老都冇問題呢,就係因為後生,係內力同肌力同樣不成熟而發展ge時侯 ...老左,就係內力同肌力一齊停止發展ge時侯,步伐一致,所以相對黎講, 係安全少少...
不過香港好多師父唔會講呢D野..尤其係空手道,就算空手道練三戰,好多師父都係就咁叫你點呼吸,但問題係學ge唔會明lor ,佢都係用鼻呼吸..雖知呼吸有用鼻,有用喉,有用腹..腹都有上腹下腹,有用鼻帶動氣到腹,亦有用腹帶動呼吸ge唔同方法..就好似玩瑜珈,明明用喉式呼吸ge動作你用肺呼吸,做唔到係好彩,夾硬做到係整傷..
