係度要講下點解唔係果度直接回應樓主的說話呢,因為我將會打出一大段話,可能會佔有偏幅實在太多,所以我只得另外開一個post,請樓主見諒。

如果要聯盟1on1去防kobe,相信絕多數九成人會被爆。
首先講下如果果夾擊會令kobe分波而令到隊友入,如果對方唔夾擊,kobe可以跳投,佢既跳投已經去到爐火純青境界。逼佢獨食,以佢既能力如果係冇夾擊既情況底下,絕對無人防得住,馬刺隊既保雲都曾經講過,佢話佢只係盡量打亂kobe既節奏,但要封鎖kobe係唔能夠做到。

樓主話kobe既突破唔係好強。係呢度要講下,突破係nba頂級切入球員分幾種。一種係AI式既突破,一手爛熟的crossover+速度去迷惑對手以令到對方失位而令自己會空位去切入。一種係wade式既純速度型,wade都有crossover但比例唔多,多數以絕對速度去突破對手,可以咁講,呢種方法叫變向突破。一下變向然後加速直殺入籃底就可以取分。

其實都唔係好長即

kobe既突破可以用四個字形容:頂、柔、穩、巧

先講講何為頂---
kobe既啟動速度唔係太驚人,佢做既假動作crossover的迷惑性同耐心都不如很多球員(你可以睇下全盛期AI既不停crossover迷惑了很多對手)。kobe既速度主要靠肩,我睇左好內湖人既比賽,同埋非常留意kobe既打法。要研究佢既突破就必須去留意佢既肩,佢既肩通常都有個不起眼既準備動作,呢個就方便了佢既切入。對於kobe黎講,防守者的貼身防守無內線球員咁多咁密,佢既肩唔係完全為了卡住對方,讓身和保持切線係最主要既目的。讓身其實係一個迷惑動作,kobe既控球幾乎熟到不得了,靠預測很難捕捉到kobe的真實切入路徑,而放遠距離等於給佢提供足夠既投籃空間,一般對付kobe既手段係貼身配合夾擊,呢個時候單靠變向難以在呢個時候制造機會,呢個情況底下,kobe通過改變膞頭既角度,係最細空間內將貼身球員巧妙咁頂係背後面。

大家都知kobe既柔軟度係nba中係絕頂級數。睇下kobe係無球跑動果陣,佢有意識咁降低自己既重心,特別係準備接球果陣,很多人以為佢係無力,其實係柔既表現,當佢接到球後,佢一特破,就算係產入後,後面有對方內線球員既補位,kobe都可以係空中做出seond time呀、扭腰等動作去避開對手黎上籃,唔好以為呢個係一個好易既動作,雖然好多球員都可以,但好似kobe咁可以係空中伸展得咁耐咁好就好少見。

好多球員突破後,俾對方球員壓逼下而身體變型後,投籃時就投失左。而kobe有個獨特之處,佢可以係投籃既果陣立刻糾正佢投籃姿勢,從邊一個方向去突破係佢可以搵到空位去偷位上或空中換手上,呢d都係投籃穩既一種。最近既某一場比賽,好似係對紐約,kobe係空中想傳又射入果一球,個身已經扭轉左,但最後都投籃姿勢較返正,就正正可以睇得出呢一球。

咩叫巧呢?kobe唔係james果d肌肉猛男,可以撞開兩三個球員而制造空位上籃,佢都唔係ai或wade果d既速度型球員,佢唔可以單靠速度去過人。但佢一接球,幾個探步然後搵到一信間既空位(因為防守球員怕佢立即跳起投籃),睇落去kobe既切入速度唔快,其實已經好巧妙咁一探到你有空位,你就立即上,呢個時候你明知佢要切入,但你都有心冇力去阻止,一係犯規,一係俾佢入。大家可以係好多時候見到kobe既切入係慢,但次次都入到,呢個就係道理la

好多時點解kobe會以跳投為終結呢?
首先要講一下,以跳投為終結得分係一個好好既選擇,因為下下都靠切入去攞分,咁樣係唔實際,因為會容易受傷而且浪費很多體力。你可以睇下wade、ai,有邊個唔係周身都傷,wade更傷到07年08年都打唔起。

而家kobe已經30歲,如果有50%以上係切入得分已經太多,係佢身體唔可以承受得住,就因為佢係靠跳投而得分,所以身體受傷就少很多,就算傷,都唔會係致命既傷到要休季或者大抖幾個月既傷。

而點解防守者通常都唔太敢好貼身防佢呢?(除左保雲外)。因為我頭先係上面既文都講到,kobe既突破能力,呢度唔再多講。所以防守者係唔敢太過於貼身去防kobe,而kobe係呢個時候就會有半步什至一步既位置俾到佢,有呢少少既空間對於一個頂尖既射手黎講已經好足夠,所以佢絕對可以射得入。而正正係佢有呢個投籃能力,防守者又唔太敢唔貼身去防守住佢,呢個時候就造成一個矛盾,究竟貼身定係唔貼身呢?貼身就過,唔貼就射,而很多時候,防守者都選擇了放開一小步,而kobe就可以投籃了。

點解要放開一小步呢?後備冇c 或pf去補位咩??請記住kobe既生涯罰球有85%,即係俾得佢上罰球線就預左俾佢射入,由其係越重要既比賽佢越會入。而我上面文章都講到佢係切入後可以搵空間上、可以展腹下手上、可以急停跳投等,所以就算補位黎得切,一係就foul,一係就俾kobe閃開上籃得手,一係補位黎,kobe立即分波到底角三分球員或底線gasol  拜林等。咁樣會沖散防守方既防線,令防守方既內線球員過早陷入犯規而被逼坐下。

順便講一下,點解保雲夠敢貼身防kobe呢?因為本身保雲就係一等一既牛皮式防守球員,腳步快、手多多,一旦佢俾kobe過,後面係一個防守很利害既鄧肯去補位,或者係馬刺既內線center補位,馬刺既內線防守有鄧肯在就一直都防守很利害,而且唔單止鄧肯既補位,加上馬刺有一套完善球隊防守kobe策略,好多時大家以為係保雲既單防實質係成隊既配合隋時補防,所以kobe係呢方面得分都顯得很困難。當然,後來kobe練就了一手fadeway(同佐敦後期狂用fadeway一樣),佢而家很多係低位內線單打,所以就自己制造到一個機會俾自己同保雲單打,而其他馬刺球員又唔可以唔防其他湖人球員而只防kobe,所以kobe對於保雲既防守就比以前輕鬆了

不錯 不錯 睇哂  不過有d眼花

「放kobe單打,唔好夾擊等佢可以傳波俾空位既隊友」

呢個引伸起幾年前(shaq走後既幾年)防守kobe既策略。單防kobe,令到湖人唯一既得分來源失準,湖人就自然輸球。單防唔成功,就變到去緊逼佢其他隊友,令到湖人其他人失準,只派一人單防kobe,任憑kobe點發揮點攞分都冇可能以一變五。(呢個有少少似jordan role)

而如今既湖人隊,先講正選,費沙既三分、拜林低位殺傷力、gasol能裏能外、禾頓穿針引線,除了禾頓得分力差少少外,其他人都有強既得分能力。後備有法碼、華查鍚、arzia、odom等球員,看看湖人隊場均108分既進攻火力就可以知道湖人既進攻點有很多,而且有穩定,根本上唔再需要kobe去拿40、50分。而家圍繞著gasol為中軸既三角戰術都好成功,各隊員都有穩定既出手次數(當然都要睇返佢本身既出手比例佔幾多啦)。一系列既掩護、配合等,唔可以再話去主力防死kobe就等於嬴湖人。

因為湖人得分點太多,防守方已經唔敢好似幾年前咁派人夾擊、三夾kobe,變成而家只有一人去主防,其他人去補位,對於kobe黎講咁樣既防守佢變得比之前輕鬆得多,所以自然會打出生涯最高既命中率48%。而唔派人去夾擊kobe只派人1on1防佢,湖人vsknicks果場,紐約全場幾乎冇派人去夾擊kobe(拜林又傷,kobe整傷左可能想發泄),kobe果場爆發,好奇怪紐約竟然全場幾乎都冇人夾擊kobe,任由佢昆頓李察信去主防,結果61分就此產生。今季睇左咁內,都係第一次見到全場幾乎冇人夾擊kobe既一場比賽。(紐約防守很一般地一般)

而kobe,一係就利用自己引來既夾擊去分球(點樣引來夾擊就唔多講,上面有講),一係就隊友按照住三角戰術既跑位,kobe作傳球手去導球而形成既助攻。所以防守方單防kobe對於而家既湖人黎講,係一件唔會做亦唔敢做既事

真係有心機

Very Good... 分析得好...

Kobe既突破可以用四個字形容:頂、柔、穩、巧

我覺得就算任何防守者防守Kobe,或者其他球星都好,
唔講防守者姿勢及技倆,體能&專注力都要高達95%...

打左咁內...大家可能誤以為我係kobe既死忠fans...
其實佢係我其中一個喜愛既球員
我真正最愛最崇敬既球員係michael jordan

小弟睇左多年NBA....覺得防守MJ或者kobe難度極高....基本上可以話諗點守死佢....不如諗下點樣令佢入小5分.....貼身防易被佢過....離身防佢剷....佢又可以射......雙人夾擊.....佢又可以傳波wide open....保雲所講打亂佢節奏的確係無辦法之中最實際...  或者強到好似boston聯防....

kobe 鏟果時 佢唔係以快行先  佢係用身體任何一部分去保護個波 之後先上   睇多d laker 波都知