狼亳


軟亳



我覺得硬亳出鋒較利, 有何意見??

無論你用那種毛筆也好這幾篇字寫得不差的。不錯的作品。
你不講我們看不出你用什麼類型的毛筆了呢？

再比較返兩幅字, 整體而言, 用狼毫筆個張控制得比較好, 以「君」字為例, 狼亳版「口」部處理得唔錯, 但係羊毫版「口」部就明顯失控, 橫劃跣筆, 右邊直劃偏鋒, 「故」字「古」撇筆就更加明顯, 「道」字捺筆兩張都唔好, 但係羊毫版就更顯得肥腫軟弱, 「郎」字狼毫版縣針 ok, 羊毫版就軟弱兼末筆失控。

錢南園顏體楷《管子‧戒篇語》冊, 希望可以俾到你一 D 指引:














呢冊字係南園顏楷精品, 得顏筋神髓, 絕不流於肥腫, 但係要注意, 只係作示範之用, 俾你睇下錢南園對顏字嘅理解, 唔係叫你臨佢, 南園嘅字點都好唔過顏真卿, 仲有, 佢呢冊字係用禿筆寫, 其中「遠者」「者」字長撇, 「以」字捺筆明顯撻 Q, 如果連佢 D 敗筆你都學埋就大劑!!!

其實兩幅字都係前晚兩三點好攰嘅情況下寫, 所以我都好唔滿意, 比唔上我兩年寫的, 尤其係用筆方面, 仍有好多多寶塔味道, 晚年嘅顏體應滲入大量篆籀, 以錢南園為例, 多用篆筆.

至於工具方面, 我覺得硬亳難做到含蓄, 筆鋒較明顯, 仲有我唔想好似錢南園咁刻意寫個撇筆, 太過誇張, 顏於晚年作品已少用!!!

等我再苦練...多謝你嘅意見!!!仲有邊本洛神十三行好?? 等我買番本看門口!!!

宋‧蔡襄《告身帖跋》



另一參考範本, 同南園比較, 蔡君謨略嫌拘束, 筆力亦唔及南園挺拔, 但係就端莊閑雅, 用筆一絲不苟, 亦不失為習顏高手。