最近終於決定買番部DC，方便SNAPSHOT，始終不可能經常帶部DSLR出街，一部輕便的DC是有需要的，
其實本來打算等OLYMPUS既M4/3機，但係諗左好耐，我又覺得OM部機唔會便得去邊，再加上鏡頭、FILTER
之類的東西，真係唔講得笑，同埋入左M4/3，即係意味著用DSLR去影相既次數會大大減少...到頭來只會是浪費
金錢!!.....於是決定都係買番部DC算，PROSUMER機，如LX3,GRD2果類機係好....但價錢又實在比較貴，
三四千蚊部機，用嚟買部DC，真係唔忍心，E個價錢可以買多部DSLR......
於是我就鎖定目標，只睇二千樓下的DC仔，但係二千樓下買部DC仔，對於一個玩開DSLR既用家嚟講，
基本上唔會有幾多部機可以睇得上眼，所以都考慮了好一段長的時間!!
首先，FUJIFILM F100FD，可以告訢大家，我從沒有考慮過此機，雖然我知道論畫質，二千樓下，這是最好的選擇!
亦沒有多少部DC仔可以匹敵，唔買佢，主要係佢個款太樣衰(F100FD用家千期唔好插我)，另外其操作實在唔多
令人稱心，怪怪的按鍵設計編排，同F50FD的操作及較有彈性的手動操作差得遠，同埋之前曾經領過SUPER CCD野，
覺得FUJIFILM的SUPER CCD唔多襟用...比較易出問題!另外鏡頭的桶狀變形始終對我來說有點無法接受...
另外，CANON IXUS系列，二千樓下，大概只有80IS,85IS可以選擇....35及38MM WIDE不可能吸引到我....
對焦唔準既問題，之前用的IXUS70經常出現OUT FOCUS...唔知80IS或85IS有冇跟進.....
然後我還有什麼選擇....???
1. RICOH R8 $19XX(行) - E部外型好掂，不過大部左D，28-200MM(7倍ZOOM)，1CM微距相當吸引，
有AE/AF LOCK相當驚喜，可惜口碑好像不太好，對RICOH機亦沒多大信心，自動白平衡唔掂又係個問題.....
2. Olympus u1030SW $23XX(水) - OM最出色的3防機，可以潛水10米，防撞，防凍....但係好似唔多防到震??
加上F3.5光圈及潛望鏡令人卻步，同R8一樣拍片沒有HD，最主要係價錢超出預算...把它考慮在內，只因為OM的
情意結.....
3. KODAK M1093IS $16XX(行) - 價錢相當吸引，贈品多多，送防水菲林機仔...加上可拍HD影片之餘，拍片有光學ZOOM
，唔係咁SO卦......本身係完全冇留意過KODAK有部咁既機....都係經過國美...順便攞嚟睇睇，同埋我想講....部機有
3吋大MON...4部機最大係佢......有光學防震...自動追焦...再加上KODAK既色彩...咪話唔吸引...衰在得35MM WIDE
如果佢有28MM...可能已經買左....再加上我對E部機有太多唔了解...網上也沒有太多用家使用報告，就連SAMPLE我都未
睇過...買佢實在要很有冒險精神.....所以都係睇下算
4. PANASONIC FX38 $18XX(水) - 最後一部，亦係我決定買的一部，其實買E部機都係心中有數，只係價錢實在貴了點..
唔好忘記佢只係水貨，但係買佢係因為....25MM WIDE LEICA鏡(雖然係假奶，但質素是有保證的)，至少變形控制很好，
邊沿成像尚算清晰，不像CANON IXUS860IS的四角鬆散得恐佈......另外OIS防震確實係信心保證......PAN仔既高ISO
多NOISE唔係問題......可怕HD影片，E個係我最想有係其中一個FUNCTION....雖然冇ZOOM..但有25MM WIDE..算數啦..
同埋我既至愛....針孔及噴沙MODE...實在好有FEEL.....其他牌子暫時冇得玩...唔多唔少係為玩E兩個MODE而買...
再加上佢既操作相當稱心...電池續航力亦強....於是就敗了...
貼張比大家參考，我買的是黑色....開箱文唔出了...直接貼相算!!
貼上我至愛既噴沙及針孔先......D相只係RESIZE,全部冇執過咖!!
