我有二隻貓, ２隻都是1歲半. 5個月大時開始養牠們. 我因為工作要輪班, 一返工就返足24小時, 一個月亦有3次要返3日才放工.而我是一個人住的, 所以我返工後家中便沒人.

以前我的貓貓食Royal canin貓糧, , 只要我返工前放足夠的1或3日糧水, 牠們會分次進食.一向無問題.
但我最近為牠們換了較好的Innova貓糧, 不知是否Innova太好味, 現在當我返工前放定無論1日或3日糧, 牠們都會一次過食清或食剩少少等陣再食( 雖然睇佢地己經好飽).

我在無法之下只好換回Royal Canin. 但情況依然一樣. 我好擔心牠們這麼食法會否食壞身體.
我有想過買個自動畏食器, 但考慮到其中一隻較惡的貓咪亦會搶埋細貓的糧.
請各位有經驗養貓人仕教導一下. 謝謝.

我都係有2隻為食貓, 用過自動餵食器(3隔, 每6hrs一次),　夜晚去完街返到屋企已經清晒, 佢地唔知用咩方法剔起成個蓋!  所以你要諗吓有冇用.  

我依家只會俾早同晚餐佢地(早餐會多d), 下晝由得佢地餓...個廚房仲要lock實, 如果唔係又摷垃圾, 石頭咁硬既鏝頭照食呀陰公!

多謝回覆, 看來你和我都有二隻餵食貓, 你比我還好, 因你夜晚都會返屋企. 可以一日餵2餐. 以你用餵食器的經驗, 看來對我都沒有用.
在無辦法之下,現在我只好有3個做法:
1 在我放假日-----我可在我控制下, 一日早晚給2餐
2 在24小時不在家-----只好放低一日適當份量, 任牠們一次過食日晒
3 最慘在3天不回家的日子-----我只好放低一日多D的份量, 任牠們一次食晒, 食完就要餓3天, 因為肚餓也總比食滯咗好.
請問各位(1)貓味一次過食晒一天份量的乾糧 (2)貓咪食完一天的糧, 跟住餓2日. 這可以嗎?

你平時係習慣放長糧定分餐?
一般黎講, 習慣放長糧的貓, 好少會一次食晒成兜糧, 通常係食DD, 然後行左去, 轉頭又再食~ 而分餐食飯的貓貓, 就會一次過食晒D糧~
建議唔好轉黎轉去, 一時放長糧, 一時分餐, 因為佢地都未必適應到~
會唔會係你放既份量, 佢地覺得唔飽肚? 所以會一次過食晒?
另, 三日唔響屋企, 會唔會搵到屋企人上去放糧? 貓地唔可以餓太耐. 會好易有脂肪肝!

多謝Carmen指導,
聽了你的意見,以我的情况;應該要讓貓貓習慣放長糧了. 請問一下所謂放長糧, 是早上放足一天份量的乾糧還每當貓砵沒有糧便即刻加糧. 以確保貓砵時時有糧?
因我是養貓新手, 想再請問Carmen, 如我現在開始要訓練貓貓放長糧, 以我的貓咪情況, 、我依家是否要忍忍牠們每次都食晒D糧(其實佢地真係好飽, 因有次佢地飽到嘔). 而希望牠們遲D會好你講咁, 每次食小小, 隔一段時間又食小小, 如果係咁樣我就安樂晒咯!

指導就唔敢, 大家都係分享下, 我都唔係養左貓好耐~

一般黎講, 分餐係指定時定候放低兜糧, 若干分鐘之後, 無論佢地食剩幾多, 都收起個兜~ 慢慢, 佢地會習慣一次過食晒.
相反的, 就係放長糧. 通常無話係咪朝早放糧既, 總之見到無就加糧.
我之前放長糧的日子, 因為要返工, 朝早放一兜, 放工返黎通常都係剩返少少, 咁咪又加返D~ 第二朝起身, 又係見到剩返DD, 咁咪又加~ 日日如是~
一直有人餵開養開的貓, 好少話會唔知飽~ 但都有D會比較為食. 性格使然.
你依家每次放幾多份量的貓糧? 你的貓貓幾重?
最好跟返你平時返工會有的習慣放糧. 比如你返工的時候, 只能在朝早+夜晚放的話, 就算放假, 都照keep 返%

多謝CARMEN,
我的貓咪1隻12磅, 一隻8磅(因牠是株檽貓,所以已經是超重了)
我現在每次都是在早上返工前放低貓糧包裝上所建議的整天份量,即細貓兜放50克而大貓兜放80克 或放3整天足夠份量. 不過每次放出來約十分鍾, 牠們便食清. 我真是唔知應否再加糧......

我之前都係餵RC, 照咁睇, 你餵的份量應是足夠的.
但兩個貓都係一放糧就清晒?

我之前train 佢地由長糧變成分餐 (一日兩餐), 都用左一個禮拜.
你由innova 轉返做RC幾耐? 又, 你之前餵innova, 餵左幾耐?
RC 已經係一種好香口同好味的乾糧, Innova 我無餵過, 但聽聞係比RC更吸引.
一係你可以試下溝D 淡口味D 既乾糧, 好似Felidae, 都係健康既糧.

我唔知你的貓貓係咪真係屬於過肥, 如果係的話, 切記更加唔可以長餓... 太危險~
肥的貓貓更容易出現脂肪肝~

我餵了Innova 約3個星期, 見唔對路, 這2天已換返RC, 但情况依然,  不過我正考慮在Rc fit 32 中溝D RC 減肥糧, 等D糧淡D, 希望遲D會好D.
Anyway, 好多謝你的意見.