我有兩條三色神仙魚,一條大,一條細的的!
咁而家唔知係邊一條產左卵,
之但係當我發現D卵時見佢地兩條不停咁食D卵仲打到周身傷!
點算呀,又唔知D卵受左精未?又唔知邊個係阿爸邊個先係阿媽?
又唔知點樣處理D卵?
而家就將D卵先分開,但係下一步要點做呢......

咁情況佢地未必係一對,有時神仙到左成熟期母魚會定期產卵,樓主肯定佢地係一對公母嗎?如果係想試下自己孵可以將卵放入生仔兜加打氣或引水流經過生仔兜,不過要原缸做喎.

神仙魚唔使自己孵......魚自己會......好似七彩咁......就算比你自己孵到都冇用......
因為初初孵出來既幼魚........要食成魚身體上既分泌物((有人話係死皮)).......才會易大......如果唔係都好難大到........

岩岩收工返到屋企見到d蛋已經變左白色,
咁係咪即係死左呀?
我已經係將d蛋分開左!
如果唔分開d魚同蛋,佢兩個會不停咁食d蛋!

白色.......死蛋.....
神仙魚.........如果 d 蛋冇死.......而食返.......多數係因為受驚所至......因此....如是玩繁殖的.......會一見牠們有產卵跡像 .......便會把缸的三面遮住......盡量減少牠們受驚......從而順利.......

咁係咪下一次我再見到有蛋就唔需要將D蛋分開,只要遮三面就得喇?
真係唔該晒你呀^^

你可以唔遮都得.......但至緊要唔好嚇親佢......就 ok 啦.......

通常應該見到白色一粒好此珍珠嘅野,就是了.